സദാനന്ദ ഗൗഡയുടെ മകനെതിരായ കേസിലെ കുറ്റപത്രം റദ്ദാക്കി

ബംഗ്​ളുരു:  സദാനന്ദ ഗൗഡയുടെ മകൻ കാർത്തിക്​ ഗൗഡക്ക്​ എതി​െരയുള്ള വഞ്ചനാ കേസിലെ കുറ്റപത്രം കർണാടക ഹൈകോടതി റദ്ദാക്കി. കാർത്തിക ഗൗഡ ഇത്​ സംബന്ധിച്ച  നൽകിയി ഹരജി അനുവദിച്ചു കൊണ്ടാണ്​ കോടതി ഉത്തരവ്​. 

ചലച്ചിത്ര നടിയായ മൈത്രി ഗൗഡ തനിക്കെതിരെ ആർ.കെ നഗർ പൊലീസ്​ സ്​റ്റേഷനിൽ രജിസ്​റ്റർ ചെയ്​ത വഞ്ചനാകുറ്റം റദ്ദാക്കണമെന്നാവശ്യപ്പെട്ടാണ്​ കാർത്തിക്​ ഗൗഡ ഹൈക്കോടതിയെ സമീപിച്ചത്​. വിവാഹ വാഗ്​ദാനം നൽകി വഞ്ചിച്ചു എന്ന പരാതിയാണ്​ സിനിമ താരം മൈത്രി ഗൗഡ നൽകിയത്​.

കാർത്തിക്​ ഗൗഡയുടെ ഹരജി അനുവദിച്ച്​ കൊണ്ട്​ ജസ്​റ്റിസ്​ ആനന്ദ്​ ബൈരാ റെഡ്​ഡിയാണ്​ ഗൗഡക്കെതിരായുള്ള വഞ്ചനക്കേസിലെ കുറ്റപത്രം റദ്ദാക്കിയത്​.