Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമുസ്‌ലിങ്ങള്‍ക്കെതിരായ...

മുസ്‌ലിങ്ങള്‍ക്കെതിരായ വിദ്വേഷം രാജ്യത്ത് സാധാരണമായെന്ന്​ ഉമർ അബ്​ദുല്ല

text_fields
bookmark_border
മുസ്‌ലിങ്ങള്‍ക്കെതിരായ വിദ്വേഷം രാജ്യത്ത് സാധാരണമായെന്ന്​ ഉമർ അബ്​ദുല്ല
cancel

മുസ്‌ലിങ്ങള്‍ക്കെതിരായ വിദ്വേഷം രാജ്യത്ത് സാധാരണമായെന്നും അത്​ മുഖ്യധാരയായെന്നും കാശ്​മീർ മുൻ മുഖ്യമന്ത്രിയും നാഷണല്‍ കോണ്‍ഫറന്‍സ് നേതാവുമായ ഉമര്‍ അബ്ദുല്ല. കർണാടകയിലെ സർക്കാർ കോളജിലേക്ക്​ ശിരോവസ്​ത്രം ധരിച്ചെത്തിയ വിദ്യാർഥിനിയെ ഒരു സംഘമാളുകൾ ജയ്​ശ്രീരാം വിളിയുമായി നേരിടുന്ന ദൃശ്യങ്ങൾ പങ്കുവെച്ചുകൊണ്ടായിരുന്നു ഉമർ അബ്​ദുല്ലയുടെ ട്വീറ്റ്​.

ഒറ്റക്ക്​ വരുന്നൊരു യുവതിയെ കൂട്ടമായി നേരിടു​േമ്പാൾ എന്ത്​ കരുത്തായിരിക്കും അവർക്ക്​ സ്വയം തോന്നിയിട്ടുണ്ടാകുക എന്ന്​ അദ്ദേഹം പരിഹസിച്ചു. വൈവിധ്യം ആഘോഷിക്കപ്പെടാത്ത രാജ്യമായി ഇന്ത്യ മാറിയെന്നും അദ്ദേഹം പറഞ്ഞു. ഹിജാബ്​ (ശിരോവസ്​ത്രം) ധരിച്ചെത്തുന്നവരെ കർണാടകയിലെ കോളജുകളിൽ നിന്ന്​ പുറത്തു നിർത്തുന്നതുമായി ബന്ധപ്പെട്ട വിവാദവും അതിനെതിരായ പ്രതിഷേധവു​ം അന്താരാഷ്​ട്ര തലത്തിൽ തന്നെ ചർച്ചയായ സാഹചര്യത്തിലാണ്​ ഉമർ അബ്​ദുല്ലയുടെ ട്വീറ്റ്​.

'വൈവിധ്യം ആഘോഷിക്കപ്പെടാത്ത രാജ്യമായി ഇന്ത്യ മാറിയിരിക്കുന്നു. വൈവിധ്യങ്ങളുടെ പേരിൽ ജനങ്ങളെ ശിക്ഷിക്കുകയും അകറ്റി നിർത്തുകയുമാണ്​' - ഉമര്‍ അബ്ദുല്ല ട്വീറ്റ്​ ചെയ്​തു.

കർണാടകയിലെ ഉഡുപ്പി, ശിവമോഗ, ബഗാല്‍കോട്ട എന്നിവിടങ്ങളിലെ വിദ്യാഭ്യാസ സ്ഥാപനങ്ങളില്‍ ഹിജാബ് നിരോധനത്തെ തുടർന്ന്​ പ്രതിഷേധം നടക്കുകയാണ്​. ഹിജാബ്​ നിരോധനത്തിനെതിരെ ഉഡുപ്പിയിലെ ഗവണ്‍മെന്റ് കോളേജില്‍ പഠിക്കുന്ന വിദ്യാഥിനികള്‍ നല്‍കിയ ഹരജികള്‍ കര്‍ണാടക ഹൈക്കോടതിയുടെ പരിഗണനയിലാണ്​.

ജനുവരിയിലാണ് ഹിജാബ് വിവാദം ആരംഭിച്ചത്. ഹിജാബ്​ ധരിച്ചെത്തിയ വിദ്യാർഥിനികളോട്​ ക്ലാസിൽ ഇരിക്കേണ്ടെന്ന്​ അധികൃതർ കൽപിക്കുകയായിരുന്നു. ശിരോവസ്​ത്രം​ ധരിക്കുന്ന വിദ്യാർഥിനികൾക്ക്​ ഇപ്പോഴും കോളജുകളിൽ​ പ്രവേശിക്കാൻ അനുമതി നൽകിയിട്ടില്ല. ഇതിനെതിരെ വിദ്യാർഥിനികളുടെ സമരം തുടരുകയാണ്. സമരം ചെയ്യുന്ന വിദ്യാർഥിനികൾക്ക്​ തീവ്രവാദ ബന്ധമുണ്ടെന്ന ആരോപണമാണ്​ ഇതിനെതിരെ കർണാടക സർക്കാർ ഉന്നയിക്കുന്നത്​. വിദ്യാർഥിനികളുടെ ഫോൺ കോൾ വിശദാംശങ്ങളും സംഘടനാ ബന്ധങ്ങളും അന്വേഷിക്കാൻ പൊലീസിന്​ സർക്കാർ നിർദേശം നൽകിയിട്ടുണ്ട്​. ഇൗ ഭീഷണികൾക്കൊന്നും വഴങ്ങാതെയാണ്​ വിദ്യാർഥിനികൾ സമരവും നിയമനടപടികളും തുടരുന്നത്​.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:omar abdullahhatred politicsHatredHijab Row
News Summary - Hatred for Muslims has been completely normalised, omar abdulla says
Next Story