നീതി ലഭിച്ചില്ല, പോരാട്ടം തുടരുമെന്ന് ഹാഥറസ് ഇരയുടെ കുടുംബം

ഹാ​ഥ​റ​സ് (യു.​പി): നീ​തി​ക്കു​വേ​ണ്ടി​യു​ള്ള പോ​രാ​ട്ടം തു​ട​രു​മെ​ന്ന് ഹാ​ഥ​റ​സ് ഇ​ര​യു​ടെ കു​ടും​ബം. രാ​ജ്യ​ത്തെ ന​ടു​ക്കി​യ 2020ലെ ​ഹാ​ഥ​റ​സ് കൂ​ട്ട ബ​ലാ​ത്സം​ഗ-​കൊ​ല​പാ​ത​ക കേ​സി​ലെ പ്ര​ധാ​ന പ്ര​തി​യെ ജീ​വ​പ​ര്യ​ന്തം ത​ട​വി​ന് ശി​ക്ഷി​ക്കു​ക​യും മ​റ്റ് മൂ​ന്നു പേ​രെ പ്ര​ത്യേ​ക കോ​ട​തി വെ​റു​തെ​വി​ടു​ക​യും ചെ​യ്തി​രു​ന്നു. കൊ​ല​പാ​ത​ക​ത്തേ​ക്കാ​ൾ കു​റ​ഞ്ഞ വ​കു​പ്പാ​യ മ​നഃ​പൂ​ർ​വ​മ​ല്ലാ​ത്ത ന​ര​ഹ​ത്യ കു​റ്റം ചു​മ​ത്തി മു​ഖ്യ​പ്ര​തി​യാ​യ സ​ന്ദീ​പി​നെ (20) ജീ​വ​പ​ര്യ​ന്തം ത​ട​വി​ന് ശി​ക്ഷി​ച്ച കോ​ട​തി ര​വി (35), ല​വ് കു​ശ് (23), രാ​മു (26) എ​ന്നി​വ​രെ​യാ​ണ് വെ​റു​തെ​വി​ട്ട​ത്. മു​ഖ്യ​പ്ര​തി​ക്കെ​തി​രെ ബ​ലാ​ത്സം​ഗം, കൊ​ല​പാ​ത​കം എ​ന്നീ കു​റ്റ​ങ്ങ​ൾ തെ​ളി​യി​ക്കാ​നാ​യി​ട്ടി​ല്ലെ​ന്ന് അ​ദ്ദേ​ഹ​ത്തി​ന്റെ അ​ഭി​ഭാ​ഷ​ക​ൻ മു​ന്ന സി​ങ് പ​ണ്ടി​ർ പ​റ​ഞ്ഞു. ‘എ​ന്റെ സ​ഹോ​ദ​രി​ക്ക് നീ​തി ല​ഭി​ക്കാ​നു​ള്ള ഞ​ങ്ങ​ളു​ടെ സ​മ​രം ഫ​ലം ക​ണ്ടി​ട്ടി​ല്ല. ഞ​ങ്ങ​ൾ​ക്ക് ഇ​നി​യും നീ​തി ല​ഭി​ച്ചി​ട്ടി​ല്ല, അ​തി​നാ​യി പോ​രാ​ട്ടം തു​ട​രും’- ഇ​ര​യു​ടെ സ​ഹോ​ദ​ര​ൻ വെ​ള്ളി​യാ​ഴ്ച മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. പ​ണ​ത്തി​നോ ന​ഷ്ട​പ​രി​ഹാ​ര​ത്തി​നോ വേ​ണ്ടി​യാ​യി​രു​ന്നി​ല്ല ത​ങ്ങ​ളു​ടെ പോ​രാ​ട്ട​മെ​ന്നും സഹോദരൻ പറഞ്ഞു. വ്യാ​ഴാ​ഴ്ച വി​ധി പ്ര​ഖ്യാ​പി​ക്കു​മ്പോ​ൾ സ​ഹോ​ദ​ര​നും കോ​ട​തി​മു​റി​യി​ലു​ണ്ടാ​യി​രു​ന്നു.

‘2020 സെ​പ്റ്റം​ബ​ർ 14ന് ​പ്ര​തി​യാ​യ സ​ന്ദീ​പ് ഇ​ര​യു​ടെ ക​ഴു​ത്തു ഞെ​രി​ച്ചു​വെ​ന്ന​തി​ൽ ഒ​രു സം​ശ​യ​വു​മി​ല്ല. ഇ​ര​യെ പ​രി​ക്കേ​ല്പി​ച്ച​ത് ഒ​രാ​ൾ​മാ​ത്ര​മാ​ണ്’- ഇ​ന്ത്യ​ൻ ശി​ക്ഷാ നി​യ​മം 304 വ​കു​പ്പ് പ്ര​കാ​രം സ​ന്ദീ​പി​നെ ശി​ക്ഷി​ച്ച ഉ​ത്ത​ര​വ് പ​റ​യു​ന്നു. സ​ന്ദീ​പി​നെ കൊ​ല​ക്കു​റ്റ​ത്തി​ന് ശി​ക്ഷി​ക്കാ​ത്ത​ത് എ​ന്തു​കൊ​ണ്ടാ​ണെ​ന്ന​തി​ന് കോ​ട​തി ഉ​ത്ത​ര​വി​ലെ മ​റു​പ​ടി ഇ​ങ്ങ​നെ​യാ​ണ്. ‘സം​ഭ​വം ക​ഴി​ഞ്ഞ് എ​ട്ട് ദി​വ​സം ഇ​ര സം​സാ​രി​ക്കു​ന്നു​ണ്ടാ​യി​രു​ന്നു. അ​തി​നാ​ൽ ഇ​ര​യെ കൊ​ല​പ്പെ​ടു​ത്തു​ക​യാ​യി​രു​ന്നു പ്ര​തി​യു​ടെ ല​ക്ഷ്യ​മെ​ന്ന് പ​റ​യാ​നാ​വി​ല്ല’ ഇ​ര​യു​ടെ ജ​ന​നേ​ന്ദ്രി​യ​ത്തി​ൽ ബ​ലാ​ത്സം​ഗ​ത്തി​ന്റേ​താ​യ മു​റി​വു​ക​ളോ പാ​ടു​ക​ളോ ക​ണ്ടെ​ത്തി​യി​ട്ടി​ല്ലെ​ന്നും അ​ത്ത​രം തെ​ളി​വു​ക​ൾ ക​ണ്ടെ​ത്തി​യ​താ​യി ഡോ​ക്ട​ർ​മാ​രോ ന​ഴ്സു​മാ​രോ മൊ​ഴി​യി​ൽ വ്യ​ക്ത​മാ​ക്കു​ന്നി​ല്ലെ​ന്നും ഉ​ത്ത​ര​വ് പ​റ​യു​ന്നു.

അ​തി​നാ​ൽ 50,000 രൂ​പ പി​ഴ​യാ​യി അ​ട​ക്കാ​നും അ​തി​ൽ 40,000 രൂ​പ ഇ​ര​യു​ടെ കു​ടും​ബ​ത്തി​ന് ന​ൽ​കാ​നും കോ​ട​തി നി​ർ​ദേ​ശി​ച്ചു. സ​ന്ദീ​പി​നെ​തി​രെ ബ​ലാ​ത്സം​ഗ കു​റ്റം തെ​ളി​യി​ക്കാ​നു​മാ​യി​ല്ല.നാ​ലു പ്ര​തി​ക​ൾ​ക്കു​മെ​തി​രെ കൊ​ല​പാ​ത​കം, കൂ​ട്ട​ബ​ലാ​ത്സം​ഗം എ​ന്നീ കു​റ്റ​ങ്ങ​ളും പ​ട്ടി​ക​ജാ​തി, പ​ട്ടി​ക​വ​ർ​ഗ​ക്കാ​ർ​ക്കെ​തി​രാ​യ അ​തി​ക്ര​മം ത​ട​യ​ൽ നി​യ​മ​ത്തി​ലെ വ​കു​പ്പു​ക​ളും ചു​മ​ത്തി പ്ര​ത്യേ​ക കോ​ട​തി​യി​ൽ സി.​ബി.​ഐ​യാ​ണ് കു​റ്റ​പ​ത്രം സ​മ​ർ​പ്പി​ച്ച​ത്. വി​ധി​യെ ഹൈ​കോ​ട​തി​യി​ൽ ചോ​ദ്യം ചെ​യ്യു​മെ​ന്ന് ഇ​ര​യു​ടെ കു​ടും​ബ​ത്തി​ന് വേ​ണ്ടി ഹാ​ജ​രാ​യ അ​ഭി​ഭാ​ഷ​ക സീ​മ കു​ശ്വാ​ഹ പ​റ​ഞ്ഞു. അ​തേ​സ​മ​യം, ശി​ക്ഷ​ക്കെ​തി​രെ ഹൈ​കോ​ട​തി​യി​ൽ അ​പ്പീ​ൽ ന​ൽ​കു​മെ​ന്നും പീ​ഡ​നം, കൂ​ട്ട​ബ​ലാ​ത്സം​ഗം, കൊ​ല​പാ​ത​കം എ​ന്നീ കു​റ്റ​ങ്ങ​ൾ തെ​ളി​യി​ക്കാ​ൻ പ്രോ​സി​ക്യൂ​ഷ​ന് ക​ഴി​ഞ്ഞി​ല്ലെ​ന്നും ശി​ക്ഷി​ക്ക​പ്പെ​ട്ട സ​ന്ദീ​പി​ന്റെ അ​ഭി​ഭാ​ഷ​ക​ൻ പ​റ​ഞ്ഞു.