Top
Begin typing your search above and press return to search.
keyboard_arrow_down
Login
exit_to_app
exit_to_app
Sonia Gandhi
cancel
Homechevron_rightNewschevron_rightIndiachevron_rightദയാശൂന്യരായ സർക്കാർ...

'ദയാശൂന്യരായ സർക്കാർ അവളെ കൊലപ്പെടുത്തി'; ഹഥ്​രസ്​ കൂട്ടബലാത്സംഗ കൊലക്കെതിരെ സോണിയ ഗാന്ധി

text_fields
bookmark_border

ന്യൂഡൽഹി: ഹഥ്​രസിൽ 19കാരിയായ ദലിത്​ പെൺകുട്ടി കൂട്ടബലാത്സംഗത്തിനിരയായി കൊല്ലപ്പെട്ട സംഭവത്തിൽ ഉത്തർപ്രദേശ്​ സർക്കാറിനെതിരെ രൂക്ഷ വിമർശനവുമായി കോ​ൺഗ്രസ്​ അധ്യക്ഷ സോണിയ ഗാന്ധി. പെൺകുട്ടിയെ ദയാശൂന്യരായ സർക്കാർ കൊലപ്പെടുത്തിയതാണെന്ന്​ അവർ പറഞ്ഞു. ട്വിറ്ററിൽ പോസ്​റ്റ്​ ചെയ്​ത വിഡിയോയിലൂടെയായിരുന്നു പ്രതികരണം.

'പെൺകുട്ടിയെ ദയാശൂന്യരായ സർക്കാർ കൊലപ്പെടുത്തിയതാണ്​. കേസ്​ ഒതുക്കിതീർക്കാനും ശ്രമം നടക്കുന്നു' -സോണിയ ഗാന്ധി കുറ്റപ്പെടുത്തി.

'സംഭവം ഒതുക്കി തീർക്കാനുള്ള ശ്രമം നടക്കുന്നു. പെൺകുട്ടിക്ക്​ കൃത്യസമയത്ത്​ ആവശ്യമായ ചികിത്സ നൽകാൻ സാധിച്ചില്ല. അതിനാൽ തന്നെ പെൺകുട്ടി ഇപ്പോൾ നമുക്കൊപ്പം ഇല്ല. ഹഥ്​രസിലെ നിർഭയ മരിച്ചിട്ടില്ലെന്ന്​ ഞാൻ പറയുന്നു. അവ​ളെ ദയാശൂന്യരായ സർക്കാർ ഭരണസംവിധാനം കൊലപ്പെടുത്തുകയായിരുന്നു' -സോണിയ ഗാന്ധി പറഞ്ഞു.

പെൺകുട്ടിയുടെ മൃതദേഹം പൊലീസ്​ നിർബന്ധമായി അനാഥയെപ്പോലെ സംസ്​കരിക്കുകയായിരുന്നു. മരണശേഷവും അതിലൂടെ അവളെ അപമാനിക്കുകയായിരുന്നു -സോണിയ ഗാന്ധി കുറ്റപ്പെടുത്തി.

ഹഥ്​രസിൽ കൂട്ടബലാത്സംഗത്തിനിരയായ പെൺകുട്ടി ​രണ്ടാഴ്​ച ചികിത്സയിൽ കഴിഞ്ഞശേഷം ചൊവ്വാഴ്​ച മരണത്തിന്​ കീഴടങ്ങുകയായിരുന്നു. തുടർന്ന്​ പൊലിസി​െൻറ നേതൃത്വത്തിൽ ബന്ധുക്കളെപ്പോലും കാണിക്കാതെ അർധരാത്രിയിൽ മൃതദേഹം സംസ്​കരിച്ചു. പൊലീസി​െൻറയും യു.പി സർക്കാറി​െൻറയും നടപടിയിൽ പ്രതിഷേധം രൂക്ഷമായിരുന്നു.

Show Full Article
TAGS:Hathras Gang Rape Sonia Gandhi UP Police 
Next Story