Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightആ രാത്രിയിൽ ഹാഥറസിലെ...

ആ രാത്രിയിൽ ഹാഥറസിലെ പെൺകുട്ടിയുടെ കുടുംബം അനുഭവിച്ചത്​ സമാനതകളില്ലാത്ത ദുരിതം

text_fields
bookmark_border
ആ രാത്രിയിൽ ഹാഥറസിലെ പെൺകുട്ടിയുടെ കുടുംബം അനുഭവിച്ചത്​ സമാനതകളില്ലാത്ത ദുരിതം
cancel

മേൽജാതിക്കാരുടെ ക്രൂരപീഡനത്തിനിരയായി മരിച്ച ഉത്തർപ്രദേശിലെ പെൺകുട്ടിയുടെ മൃതദേഹം പൊലീസ്​ കത്തിച്ചുകളഞ്ഞ ആ രാത്രി കുടുംബം അനുഭവിച്ച ദുരിതങ്ങൾക്ക്​ നേർസാക്ഷിയായ മാധ്യമപ്രവർത്തകരുടെ വിവരണങ്ങൾ ആരെയും ഞെട്ടിക്കുന്നത്​. നൊന്തുപെറ്റ അമ്മയെ​ പോലും മൃതദേഹം ഒരു നോക്ക്​ കാണിക്കാതെ, കൃഷിസ്​ഥലത്ത്​ തിരക്കി​ട്ടൊരുക്കിയ ചിതയിൽ മൃതദേഹം ദഹിപ്പിക്കുകയായിരുന്നു പൊലീസെന്ന്​ ദൃക്​സാക്ഷിയായ എൻ.ഡി.ടി.വി ലേഖകൻ അരുൺ സിങ്​ എഴുതുന്നു. കുടുംബത്തി​െൻറ വികാരങ്ങൾക്ക്​ ഒരു വിലയും കൽപിക്കാതെ ജില്ലാ മജിസ്​ട്രേറ്റും പൊലീസും ചേർന്ന്​ മൃതദേഹം കത്തിച്ചുകളയുകയായിരുന്നെന്ന്​ ദൃക്​സാക്ഷി വിവരണത്തിൽ വ്യക്​തമാണ്​.

എൻ.ഡി.ടി.വി കാമറാമാനും ലേഖകനും ചൊവ്വാഴ്​ച രാത്രി 11.30 ഒാടെയാണ്​ ഹാഥറസിലെത്തിയത്​. അ​േപ്പാൾ, പ്ര​േദശത്തെ പൊലീസ്​ സ്​റ്റേഷനിൽ കമീഷണർ അടക്കമുള്ളവരുടെ കാറുകൾ ഉണ്ടായിരുന്നു. അവിടെ ഉന്നത പൊലീസ്​ ഉദ്യോഗസ്​ഥരുടെ യോഗം നടക്കുകയായിരുന്നു.

വിറകുമായി ചിലർ പോകു​ന്നത്​ കണ്ടെന്ന്​ പ്രദേശവാസികൾ പറഞ്ഞതായും ലേഖകൻ എഴുതുന്നു. എങ്കിലും അന്ന്​ തന്നെ മൃതദേഹം ദഹിപ്പിക്കുവാനുള്ള ഒരു സാധ്യതയും ആരും പ്രതീക്ഷിച്ചിരുന്നില്ല.

ഗ്രാമത്തിലേക്ക്​ പ്രവേശിക്കുന്നിടത്ത്​ തന്നെ പൊലീസ്​ വാർത്താ സംഘത്തെ തടഞ്ഞു. മുന്നോട്ട്​ പോകണമെങ്കിൽ വാഹനം ഒഴിവാക്കി നടന്ന്​ പോകണമെന്ന വിചിത്രവാദമാണ്​ പൊലീസ്​ ഉന്നയിച്ചത്​. പിന്തിരിയാൻ ഒരുക്കമല്ലാതിരുന്ന സംഘം കാൽനടയായി പെൺകുട്ടിയുടെ വീട്ടിലേക്ക്​ തിരിച്ചു. ഒന്നര കിലോമീറ്ററോളമാണ്​ നടക്കേണ്ടിയിരുന്നത്​.

സംഘം പെൺകുട്ടിയുടെ വീട്ടിലെത്തു​േമ്പാൾ രാത്രി 12.45 ആയിരുന്നു. നിറയെ പൊലീസുകാരും ഉദ്യോഗസ്​ഥരും പ്രാദേശിക മാധ്യമ പ്രവർത്തകരു​ം അവിടെയുണ്ടായിരുന്നു. മൃതദേഹം എവിടെയാണെന്ന്​ ജോയൻറ്​ മജിസ്​ട്രേറ്റിനോട്​ അന്വേഷിച്ചപ്പോൾ അറിയില്ലെന്നായിരുന്നു മറുപടി. എന്നാൽ, രണ്ട്​ മിനിറ്റിനകം മൃതദേഹം വഹിച്ചുള്ള ആംബുലൻസ്​ അവിടെ എത്തുകയും ചെയ്​ത​​ു. പിറകിലായി എത്തിയ സ്​കോർപിയോ വാനിൽ പെൺകുട്ടിയുടെ പിതാവും സഹോദരനുമുണ്ടായിരുന്നു. എല്ലാവരെയും ഞെട്ടിച്ചുകൊണ്ട്​ ആംബുലൻസ്​ വീണ്ടും മുന്നോ​ട്ടെടുത്തു. അവിടെ നിർത്താതെ പോകുന്നത്​ നാട്ടുകാരും കുടുംബാംഗങ്ങളും ​ചേർന്ന്​ തടയാൻ ശ്രമിക്കുന്നുണ്ടായിരുന്നു. മൃതദേഹം വീട്ടിൽ പ്രവേശിപ്പിക്കണമെന്നായിരുന്നു കുടുംബത്തി​െൻറ ആവശ്യം. പെൺകുട്ടിയുടെ അമ്മ ആംബുലൻസിന്​ മുന്നിൽ നിലത്ത്​ കിടന്ന്​ കരഞ്ഞ്​ പറയുന്നുണ്ടായിരുന്നു. നിലവിളിച്ചു കൊണ്ട്​ കുടുംബാംഗങ്ങൾ ആംബുലൻസിന്​ പിറകെ ഒാടി.

ഇതിനിടെ ​​െപാലീസ്​ ഉദ്യോഗസ്​ഥരും ജില്ലാ മജിസ്​ട്രേറ്റുമൊക്കെ ഹെൽമറ്റടക്കമുള്ള സുരക്ഷാ ഉപകരണങ്ങൾ ധരിക്കുന്നുണ്ടായിരുന്നു. രാവിലെ മൃതദേഹം ദഹിപ്പിക്കാമെന്നും അതി​െൻറ പൂർണ ഉത്തരവാദിത്വം താൻ ഏറ്റെടുക്കാമെന്നും ഇതിനിടെ പെൺകുട്ടിയുടെ പിതാവ്​ ജില്ലാ മജിസ്​ട്രേറ്റിനോട്​ അപേക്ഷിച്ചു. രാവിലെ ദഹിപ്പിക്കാമെങ്കിൽ പിന്നെ ഇപ്പോൾ തന്നെ ദഹിപ്പിച്ചാലെന്താണെന്നായിരുന്നു ജില്ലാ മജിസ്​ട്രേറ്റി​െൻറ ചോദ്യം. ഇന്ന്​ തന്നെ ദഹിപ്പിക്കണമെന്ന്​ നേരത്തെ പറഞ്ഞതല്ലേയെന്നും ജില്ലാ മജിസ്​ട്രേറ്റ്​ പിതാവിനോട്​ പറയുന്നുണ്ടായിരുന്നു.

ഈ സമയമത്രയും ദൂരെ നിർത്തിയിട്ട ആംബുലൻസിൽ ആയിരുന്നു മ​ൃതദേഹം. ഒടുവിൽ മൃതദേഹം പുറത്തെടുക്കാമെന്ന്​ ഉദ്യോഗസ്​ഥർ പറഞ്ഞെങ്കിലും, ഒന്നുമുണ്ടായില്ല. ഇതിനിടെ പെൺകുട്ടിയുടെ പിതാവടക്കമുള്ളവരെ വീട്ടിനകത്തേക്ക്​ മാറ്റി. ജില്ലാ മജിസ്​ട്രേറ്റി​െൻറ നേതൃത്വത്തിൽ ഉടനെ മൃതദേഹം ദഹിപ്പിക്കുന്നതിന്​ കുടുംബാംഗങ്ങളിൽ സമ്മർദം ചെലുത്തുന്നത്​ തുടർന്നു കൊണ്ടിരുന്നു. സംസ്​കാര ചടങ്ങുകൾക്ക്​ രാവിലെ വരെ സമയം നൽകണമെന്നതായിരുന്നു പിതാവി​െൻറ ആവശ്യം.

മാധ്യമപ്രവർത്തകരെ ആംബുലൻസ്​ പരിസരത്ത്​ നിന്ന്​ മാറ്റാൻ പൊലീസ്​ പല തന്ത്രങ്ങളും പ്രയോഗിക്കുന്നുണ്ടായിരുന്നു. ഇതിനിടെ ആംബുലൻസ്​ പെ​ട്ടെന്ന്​ സ്​റ്റാർട്ട്​ ചെയ്​ത്​ കൃഷി സ്​ഥ​ലത്തേക്ക്​ ഒാടിച്ചു പോയി. പിറകെ ഒാടിയെത്തിയവർ കണ്ടത്​ അവിടെ മൃതദേഹം ദഹിപ്പിക്കാനായി വെളിച്ചവും മറ്റും ​ഒരുക്കി വെച്ചതാണ്​. ചുറ്റും പൊലീസ്​ വലയം തീർത്തിരുന്നു. പെൺകുട്ടിയുടെ കുടുംബാംഗങ്ങളാരും അവിടെ ഉണ്ടായിരുന്നില്ല. ആ മൃതദേഹം പൊലീസ്​ കത്തിച്ചു കളയുകയായിരുന്നു.

ഈ സമയം വീട്ടിൽ തടഞ്ഞിട്ട നിലയിലായിരുന്നു പെൺകുട്ടിയുടെ പിതാവും മാതാവുമടക്കമുള്ള കുടുംബാംഗങ്ങൾ. അവരുടെ പൊന്നുമോളുടെ ശരീരം പോലും ഈ ഭൂമിയിൽ ശേഷിക്കാത്ത വിധം കത്തിച്ചാമ്പലാക്കിയ വിവരം വാർത്താ ലേഖകൻ ഒാടിച്ചെന്ന്​ പറയു​േമ്പാഴാണ്​ ആ കുടുംബം അറിയുന്നത്​.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:hathras rapeHathras caseUttar Pradesh
Next Story