Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഹാഥറസ്​: പൊലീസ്​ വാദം ...

ഹാഥറസ്​: പൊലീസ്​ വാദം പൊളിച്ച ഡോക്​ടറെ ജോലിയിൽ നിന്ന്​ പുറത്താക്കി

text_fields
bookmark_border
ഹാഥറസ്​: പൊലീസ്​ വാദം പൊളിച്ച ഡോക്​ടറെ ജോലിയിൽ നിന്ന്​ പുറത്താക്കി
cancel

ന്യൂ​ഡ​ൽ​ഹി: ഹാ​ഥ​റ​സി​ൽ സ​വ​ർ​ണ​രു​ടെ ക്രൂ​ര​ത​ക്ക്​ ഇ​ര​യാ​യി ദ​ലി​ത്​ പെ​ൺ​കു​ട്ടി കൊ​ല്ല​പ്പെ​ട്ട സംഭ​വ​ത്തി​ൽ ബ​ലാ​ത്സം​ഗം ന​ട​ന്നി​​ട്ടി​ല്ലെ​ന്ന്​ വ​രു​ത്തി​ത്തീ​ർ​ക്കാ​നു​ള്ള പൊ​ലീ​സി​െൻറ ശ്ര​മം പൊ​ളി​ച്ച ഡോ​ക്​​ട​ർ​ക്കെ​തി​രെ ന​ട​പ​ടി. പെ​ൺ​കു​ട്ടി​യെ ആ​ദ്യം പ്ര​വേ​ശി​പ്പി​ച്ച അ​ലീ​ഗ​ഢ്​​ ജ​വ​ഹ​ർ​ലാ​ൽ നെ​ഹ്​​റു മെ​ഡി​ക്ക​ൽ കോ​ള​ജി​ലെ ചീ​ഫ്​ മെ​ഡി​ക്ക​ൽ സൂ​പ്ര​ണ്ടാ​യി​രു​ന്ന ഡോ. ​അ​സീം മാ​ലി​ക്കി​നെ​ ആ​ശു​പ​ത്രി​യി​ൽ നി​ന്നും പു​റ​ത്താ​ക്കി. ഒ​ക്​​ടോ​ബ​ർ 16ന് ​ഡോ. അ​സീ​മി​നെ സൂ​പ്ര​ണ്ട്​ സ്​​ഥാ​ന​ത്തു​നി​ന്ന്​ മാ​റ്റി​യി​രു​ന്നു. ഇ​തി​നു​പി​ന്നാ​ലെ​യാ​ണ്​ ഒ​ക്​​ടോ​ബ​ർ 20 മു​ത​ൽ ആ​ശു​പ​ത്രി​യി​ലെ സേ​വ​നം അ​വ​സാ​നി​പ്പി​ക്കാ​നു​ള്ള നോ​ട്ടീ​സ്​ അ​ധി​കൃ​ത​ർ ഡോ. ​അ​സീ​മി​ന്​ ന​ൽ​കി​യ​ത്. ഫോ​റ​ൻ​സി​ക്​ സ​യ​ൻ​സ്​ ​ലാ​ബ്​ റി​പ്പോ​ർ​ട്ട്​ ചൂ​ണ്ടി​ക്കാ​ട്ടി ദ​ലി​ത്​ പെ​ൺ​കു​ട്ടി ​ ബ​ലാ​ത്സം​ഗ​ത്തി​ന്​ ഇ​ര​യാ​യി​ട്ടി​ല്ലെ​ന്ന്​ വ​രു​ത്തി​ത്തീ​ർ​ക്കാ​ൻ പൊ​ലീ​സ്​ ശ്ര​മം ന​ട​ത്തി​യി​രു​ന്നു.

എ​ന്നാ​ൽ, പെ​ൺ​കു​ട്ടി പീ​ഡ​ന​ത്തി​ന്​ ഇ​ര​യാ​യി 11 ദി​വ​സ​ത്തി​നു ശേ​ഷ​മാ​ണ്​ സാ​മ്പ്​​ൾ ല​ബോ​റ​ട്ട​റി പ​രി​ശോ​ധ​ന​ക്ക്​ അ​യ​ച്ച​തെ​ന്നും സം​ഭ​വം ന​ട​ന്ന്​ 96 മ​ണി​ക്കൂ​റി​നു​​ശേ​ഷം തെ​ളി​വ്​ ഇ​ല്ലാ​താ​കു​മെ​ന്നും ​ ഡോ. ​അ​സീം മാ​ധ്യ​മ​ങ്ങ​ളു​ടെ ശ്ര​ദ്ധ​യി​ൽ കൊ​ണ്ടു​വ​ന്നി​രു​ന്നു. കൂ​ടാ​തെ, ആ​ശു​പ​ത്രി ത​യാ​റാ​ക്കി​യ മെ​ഡി​ക്ക​ൽ റി​േ​പ്പാ​ർ​ട്ടി​ൽ പെ​ൺ​കു​ട്ടി ബ​ലാ​ത്സം​ഗ​ത്തി​ന്​ ഇ​ര​യാ​യി​ട്ടു​​ണ്ടെ​ന്ന്​ രേ​ഖ​പ്പെ​ടു​ത്തി​യ​തും പു​റ​ത്തു​വ​ന്നു.

ഫോ​റ​ൻ​സി​ക്​ റി​പ്പോ​ർ​ട്ടു​മാ​യി ബ​ന്ധ​പ്പെ​ട്ട്​ പ്ര​സ്​​താ​വ​ന ന​ട​ത്തി​യ​തി​ന്​ അ​സീ​മി​നെ ജെ.​എ​ൻ മെ​ഡി​ക്ക​ൽ കോ​ള​ജി​െൻറ ചു​മ​ത​ല​യു​ള്ള അ​ലീ​ഗ​ഢ്​​ മു​സ്​​ലിം സ​ർ​വ​ക​ലാ​ശാ​ല വൈ​സ്​ ചാ​ൻ​സ​ല​ർ താ​രീ​ഖ്​ മ​ൻ​സൂ​ർ ശാ​സി​ച്ചി​രു​ന്നു. പൗ​ര​ത്വ വി​ഷ​യ​വു​മാ​യി ബ​ന്ധ​പ്പെ​ട്ട്​ അ​ലീ​ഗ​ഢ്​​ കാ​മ്പ​സി​ന​ക​ത്ത്​ പൊ​ലീ​സ്​ അ​തി​ക്ര​മ​ത്തി​ന്​ അ​നു​മ​തി കൊ​ടു​ത്ത​തി​ൽ വി​ദ്യാ​ർ​ഥി​ക​ളു​ടെ പ്ര​തി​ഷേ​ധം നേ​രി​ടു​ന്ന​യാ​ളാ​ണ്​ താ​രീ​ഖ്​ മ​ൻ​സൂ​ർ.

Show Full Article
TAGS:hathras rape AMU UP yogi 
News Summary - Hathras Case: Doctor Who Contradicted UP Police Version on Rape Has Now Been Sacked by AMU
Next Story