തട്ടിക്കൊണ്ടുപോകാൻ ​​ശ്രമം: യുവതിക്കെതിരെ ആരോപണങ്ങളുമായി ബി.ജെ.പി നേതാക്കൾ

ന്യൂ​ഡ​ൽ​ഹി: ഹ​രി​യാ​ന ബി.​ജെ.​പി അ​ധ്യ​ക്ഷ​ൻ സു​ഭാ​ഷ്​ ബ​റ​ല​യു​ടെ മ​ക​ൻ അർധരാത്രി കാറിൽ യു​വ​തി​യെ പി​ന്തു​ട​ർ​ന്ന സം​ഭ​വ​ത്തി​ൽ യുവതിക്കെതിരെ ആരോപണങ്ങളുമായി ബി.ജെ.പി നേതാക്കളും ഫേസ്​ബുക്​ പോസ്​റ്റും. യുവതി രാത്രിയിൽ ഒറ്റക്ക്​ യാത്രചെയ്​തതിനെ ചോദ്യംചെയ്​ത്​ ബി.ജെ.പി സംസ്​ഥാന വൈസ്​ പ്രസിഡൻറ്​ രാംവീർ ഭട്ട്​ രംഗത്തെത്തിയപ്പോൾ യുവതി മദ്യപിച്ചായിരുന്നു വാഹനമോടിച്ചതെന്ന്​ ബ​റ​ല​യു​ടെ കുടുംബാംഗവും ബി.ജെ.പി പ്രവർത്തകനുമായ ആഷിഷ്​ കുമാർ ഫേസ്​ബുക്ക്​ പോസ്​റ്റിലൂടെ ആരോപിച്ചു. 

വെ​ള്ളി​യാ​ഴ്​​ച രാ​ത്രി 12.35ഒാ​ടെ ച​ണ്ഡി​ഗ​ഢി​ലെ മ​ധ്യ​മാ​ർ​ഗി​ലാ​യി​രു​ന്നു  സു​ഭാ​ഷ്​ ബ​റ​ല​യു​ടെ മ​ക​ൻ വി​കാ​സ്​ ബ​റ​ല (23), സു​ഹൃ​ത്ത്​ ആ​ശി​ഷ്​ കു​മാ​ർ (22) എ​ന്നി​വ​ർ​ മു​തി​ർ​ന്ന ​െഎ.​എ.​എ​സ്​ ഉ​ദ്യോ​ഗ​സ്​​ഥ​​​െൻറ മ​ക​ൾ വർണിക കുണ്ഡുവി​​​െൻറ കാർ തടഞ്ഞുനിർത്തിയത്​. തു​ട​ർ​ന്ന്​ യു​വ​തിയുടെ സ​ഹാ​യ​മ​ഭ്യ​ർ​ഥന ​പ്രകാരം സ്​ഥലത്തെത്തിയ പൊ​ലീ​സ്​ യു​വാ​ക്ക​ളെ അറസ്​റ്റ്​ചെയ്​ത്​ നി​സ്സാ​ര വ​കു​പ്പു​ക​ൾ ചു​മ​ത്തി കേ​സെ​ടു​ത്ത്​ ജാ​മ്യ​ത്തി​ൽ വി​ടു​ക​യാ​യി​രു​ന്നു. തന്നെ തട്ടിക്കൊണ്ടുപോകാനുള്ള ശ്രമമായിരുന്നു എന്നാണ്​ യുവതിയുടെ പരാതി. സംഭവത്തി​​​െൻറ സി.സി ടി.വി ദൃശ്യങ്ങൾ ലഭ്യമല്ലെന്ന്​ ​െപാലീസ്​ അറിയിച്ചു.