ഇരുമ്പ്​ വടികൊണ്ട്​ ആറ്​ പേരെ അടിച്ചു കൊന്നു; മുൻ സൈനികൻ അറസ്​റ്റിൽ

പൽവാൽ: ഇരുമ്പു വടികൊണ്ട്​ ആറ്​ പേരെ അടിച്ചു കൊന്ന മുൻ സൈനികനെ അറസ്​റ്റ്​​ ചെയ്​തു. സൈന്യത്തിൽ ലഫ്​റ്റനൻറായിരുന്ന നരേഷ്​ ധങ്കർ എന്നയാളെയാണ്​ പൽവാൽ പൊലീസി​​​​​​െൻറ പിടിയിലായത്​​. പുലർച്ചെ രണ്ട്​ മണിക്കും നാല്​ മണിക്കുമിടയിലായാണ് ഇയാൾ​ കൃത്യം നടത്തിയത്​. വടിയുമായി നഗരത്തിലിറങ്ങിയ നരേഷ്​ കൺമുമ്പിൽ കണ്ടവരെയെല്ലാം അടിച്ച്​ കൊല്ലുകയായിരുന്നു.

പൽവാൽ ആശുപത്രിയുടെ അടുത്ത്​ നിന്നും ലഭിച്ച ഒരു മൃതദേഹത്തിലൂടെയാണ്​ കൊലപാതക പരമ്പര പൊലീസി​​​​​​െൻറ ശ്രദ്ധയിൽ പെടുന്നത്​. തലക്ക്​ അടിയേറ്റ്​ മാരകമായി മുറിവ്​ പറ്റിയ നിലയിലായിരുന്ന മൃതദേഹം.​ ഏതാനും സമയത്തിന്​ ശേഷം രണ്ടാമത്തെ മൃതദേഹം കൂടി ലഭിച്ചു. അഞ്​ജും എന്ന സ്​ത്രീയുടെതായിരുന്നു അത്​. മൃതദേഹം പരിശോധിച്ചതിലൂടെ മരിച്ചത്​ ഇരുമ്പ്​ വടി കൊണ്ടുള്ള അടിയേറ്റാണെന്ന്​ പൊലീസ്​ ​കണ്ടെത്തി. മണിക്കൂറുകൾക്കുള്ളിൽ അടിയേറ്റ്​ മരിച്ച നാല്​ പേരുടെ ശരീരങ്ങൾ കൂടി കണ്ടെടുത്തു. അതിൽ ഒരു കബഡി താരവും സുരക്ഷാ ജീവനക്കാരനുമുണ്ടായിരുന്നു. സമാന രീതിയിലായിരുന്നു ആറ്​ പേരും കൊല്ലപ്പെട്ടത്​.​ 

കൊലയാളിക്കായി രാത്രി തന്നെ പൊലീസ്​ അന്വേഷണമാരംഭിച്ചിരുന്നു. രാവിലെ ഏഴ്​ മണിക്ക് പൽവാലിലെ​ റസൂൽപൂർ ചൗക്കിൽ നിന്നാണ്​ കൊലയാളിയെ അറസ്​റ്റ്​ ചെയ്​തത്​​. വേർപിരിഞ്ഞ്​ പോയ ഭാര്യയെയും എട്ട്​ വയസ്സുള്ള മകനെയും കൊല്ലാൻ തീരുമാനിച്ചിരുന്ന നരേഷിനെ കൃത്യം ചെയ്യുന്നതിന്​ മുമ്പ്​ പൊലീസ്​ വലയിലാക്കുകയായിരുന്നു. അറസ്​റ്റ്​ ചെയ്യാനെത്തിയ പൊലീസിനെയും നരേഷ്​ ഇരുമ്പ്​ വടികൊണ്ട്​ മർദ്ദിക്കാൻ ശ്രമിച്ചിരുന്നു.

ഫരീദാബാദിലെ മച്ചർ ഗ്രാമത്തിലാണ്​ നരേഷി​​​​​​െൻറ ജനനം. പൽവാലിലെ ഒമാക്​സ്​ സിറ്റിയിലാണ്​ ഇപ്പോൾ താമസിക്കുന്നത്​. നാല്​​ സഹോദരൻമാരാണ് നരേഷിന്​​. മെഡിക്കൽ വളൻററി റിട്ടയർമ​​​​​െൻറ്​ സ്​കീം പ്രകാരം 2003ൽ പട്ടാളത്തിൽ നിന്നും വിരമിച്ച നരേഷ്​ 2006ൽ കാർഷിക വകുപ്പിൽ  എ.ഡി.ഒ ആയി ജോലിയിൽ പ്രവേശിച്ചു. നിലവിൽ ഭിവാനിയിൽ കാർഷിക വകുപ്പിൽ എസ്​.ഡി.ഒ ആണ്​. പ്ര​തി മ​നോ​ദൗ​ർ​ബ​ല്യ​മു​ള്ള ആ​ളാ​ണെ​ന്നാ​ണ്​ സം​ശ​യം. ആ​ക്ര​മ​ണ​ത്തി​​​െൻറ സി.​സി.​ടി.​വി ദൃ​ശ്യ​ങ്ങ​ളി​ലൂ​ടെ​യാ​ണ്​ ഇ​യാ​ളെ ക​ണ്ടെ​ത്തി​യ​ത്. പ​ൽ​വാ​ൽ ആ​ദ​ർ​ശ്​ സൊ​സൈ​റ്റി​ക്കു സ​മീ​പം പ​രി​ക്കേ​റ്റ നി​ല​യി​ലാ​ണ്​ ചൊ​വ്വാ​ഴ്​​ച രാ​വി​ലെ ധ​ൻ​ക​ഡി​നെ പൊ​ലീ​സ്​ പി​ടി​കൂ​ടി​യ​ത്.