You are here

ഹരിയാന കോൺഗ്രസ്​ വക്​താവ്​ വികാസ്​ ചൗധരി വെടിയേറ്റ്​ മരിച്ചു

13:15 PM
27/06/2019
ASHOK-CHUDARI

ഫരീദാബാദ്​: ഹരിയാന കോൺഗ്രസ്​ നേതാവും പാർട്ടിയുടെ വക്​താവുമായ വികാസ്​ ചൗധരി(38) വെടിയേറ്റ്​ മരിച്ചു. ഫരീദാബാദിലെ ജിമ്മിൽ നിന്ന്​ വീട്ടിലേക്ക്​ പോകും വഴിയാണ്​ അജ്ഞാതസംഘം അദ്ദേഹത്തെ വെടിവെച്ച്​ വീഴ്​ത്തിയത്​.

മാരുതി എസ്​.എക്​സ്​ 4 കാറിലെത്തിയ നാലംഗ സംഘമാണ്​ സംഭവത്തിന്​ പിന്നിലെന്ന്​ പൊലീസ്​ പറഞ്ഞു. ഫരീദാബാദിലെ സെക്​ടർ 9ലാണ്​ സംഭവമുണ്ടായതെന്നും പൊലീസ്​ വ്യക്​തമാക്കി.

മനോഹർലാൽ ഖട്ടാറിൻെറ നേതൃത്വത്തിലുള്ള ബി.ജെ.പി സർക്കാർ ക്രമസമാധാനം പാലിക്കുന്നതിൽ പൂർണമായി പരാജയപ്പെട്ടുവെന്ന്​ കോൺഗ്രസ്​ ആരോപിച്ചു. കാട്ടു നിയമമാണ്​ സംസ്ഥാനത്ത്​ നടക്കുന്നത്​.ആർക്കും നിയമത്തെ ഭയമില്ലെന്നും കോൺഗ്രസ്​ സംസ്ഥാന പ്രസിഡൻറ്​ അശോക്​ തൻവർ പറഞ്ഞു. എത്രയും പെ​ട്ടെന്ന്​ സംഭവത്തിൽ ഉൾപ്പെട്ട പ്രതികളെ അറസ്​റ്റ്​ ചെയ്യണമെന്നും കോൺഗ്രസ്​ നേതൃത്വം ആവശ്യപ്പെട്ടു.

Loading...
COMMENTS