ശശി തരൂരിനും രാജ്ദീ​പ് സ​ർ​ദേ​ശാ​യിക്കും എതിരെ ഹരിയാനയിലും രാജ്യദ്രോഹക്കേസ്

ന്യൂ​ഡ​ൽ​ഹി: റി​പ്പ​ബ്ലി​ക് ദി​ന​ത്തി​ൽ ട്രാക്ടർ റാലിയുമായി ബ​ന്ധ​പ്പെ​ട്ട സംഘർഷത്തിൽ ശ​ശി ത​രൂ​ർ എം​.പി, മാ​ധ്യ​മ​പ്ര​വ​ർ​ത്ത​ക​നാ​യ രാജ്ദീ​പ് സ​ർ​ദേ​ശാ​യി, മൃ​ണാ​ൽ പാ​ണ്ഡെ എ​ന്നി​വ​ർ​ക്കെ​തി​രെ ഹ​രി​യാ​ന​യി​ലും രാ​ജ്യ​ദ്രോ​ഹ​ക്കേ​സ് ര​ജി​സ്റ്റ​ർ ചെ​യ്തു. ബി.ജെ.പി ഭരിക്കുന്ന മൂന്നാമത്തെ സംസ്ഥാനമാണ് ഇവർക്കെതിരെ ഒരേ സംഭവത്തിൽ രാജ്യദ്രോഹക്കേസ് രജിസ്റ്റർ ചെയ്യുന്നത്.

ജർസയിൽ നിന്നുള്ള മഹാബീർ സിങ്ങിന്‍റെ പരാതിയിലാണ് കേസ്. രാജ്യത്തിന്‍റെ സുരക്ഷയെ ബാധിക്കുന്ന തെറ്റായ കാര്യങ്ങളാണ് ഇവർ ട്വീറ്റ് ചെയ്തതെന്നാണ് മഹാബീർ സിങ്ങിന്‍റെ വാദം. പരാതിയിൽ ഗുരുഗ്രാം പൊലീസ് ഉടൻതന്നെ കേസെടുക്കുകയായിരുന്നു. സഫർ ആഗ, വിനോദ് കെ ജോസ് തുടങ്ങിയ മാധ്യമപ്രവർത്തകർക്കെതിരെയും ഗുരുഗ്രാം സൈബർ സെൽ എഫ്.ഐ.ആർ രജിസ്റ്റർ ചെയ്തു.

റി​പ്പ​ബ്ലി​ക് ദി​ന​ത്തി​ലെ ട്രാ​ക്ട​ർ റാ​ലി​ക്കി​ടെ ക​ർ​ഷ​ക​ൻ മ​ര​ണ​മ​ട​ഞ്ഞ​തു​മാ​യി ബ​ന്ധ​പ്പെ​ട്ടു സ​മൂ​ഹ​മാ​ധ്യ​മ​ങ്ങ​ളി​ൽ തെ​റ്റി​ദ്ധാ​ര​ണാ​ജ​ന​ക​മാ​യ സ​ന്ദേ​ശ​ങ്ങ​ൾ പ്ര​ച​രി​പ്പി​ച്ചു​വെ​ന്ന് കാണിച്ചാണ് ഹ​രി​യാ​ന പോ​ലീ​സ് കേ​സെ​ടു​ത്ത​ത്. നേ​ര​ത്തേ, ഇ​തേ സം​ഭ​വ​ത്തി​ൽ ഉ​ത്ത​ർ​പ്ര​ദേ​ശ്, മ​ധ്യ​പ്ര​ദേ​ശ് പോ​ലീ​സും രാ​ജ്യ​ദ്രോ​ഹ​ക്കു​റ്റം ചു​മ​ത്തി ശ​ശി ത​രൂ​രി​നും മാ​ധ്യ​മ പ്ര​വ​ർ​ത്ത​ക​ർ​ക്കു​മെ​തി​രേ കേ​സെ​ടു​ത്തി​രു​ന്നു.