ഹരീഷ്​ സാൽവെ വിവാഹിതനായി, വധു ലണ്ടൻ സ്വദേശിനി കരോലിൻ; ചിത്രങ്ങൾ കാണാം

ന്യൂഡൽഹി: മുതിർന്ന അഭിഭാഷകനും മുൻ സോളിസിറ്റർ ജനറലുമായ ഹരീഷ്​ സാൽവെ വിവാഹിതനായി. ലണ്ടൻ സ്വദേശിനിയും ആർട്ടിസ്​റ്റുമായ കരോലിൻ ബ്രൊസ്സാഡിനാണ്​​ വധു. ലണ്ടനിലെ പള്ളിയിൽ നടന്ന ചടങ്ങിൽ വരൻറെയും വധുവി​െൻറയും അടുത്ത ബന്ധുക്കളായ 15 പേർ മാത്രമാണ്​ വിവാഹത്തിൽ പ​െങ്കടുത്തത്​. വളരെ ലളിതമായായിരുന്നു വിവാഹചടങ്ങുകൾ.

ഹരീഷ്​ സാൽവെയുടെ രണ്ടാം വിവാഹമാണിത്​. കഴിഞ്ഞ ജൂ​​ലൈയിൽ ആദ്യഭാ​ര്യയിൽനിന്ന്​ വിവാഹമോചനം നേടിയിരുന്നു. ജനുവരിയിൽ ഇംഗ്ലണ്ടിലെയും വെയ്​ൽസിലെയും കോടതിയിലെ ക്യൂൻ കൗൺസലിൽ നിയമിതനായിരുന്നു. 1999 നവംബർ ഒന്നുമുതൽ 2002 നവംബർ മൂന്നുവരെ ഇന്ത്യയു​ടെ സോളിസിറ്റർ ജനറൽ കൂടിയായിരുന്നു 65 കാരനായ ഹരീഷ്​ സാൽവെ.

2017​ൽ കുൽഭൂഷൺ ജാദവി​െൻറ കേസിൽ അന്താരാഷ്​ട്ര കോടതിയിൽ ഇന്ത്യക്ക്​ വേണ്ടി ഹാജരായത്​ ഹരീഷ്​ സാൽവെയായിരുന്നു. ഇതു കൂടാതെ പ്രശസ്​തമായ നിരവധി കേസുകളിലും ഹരീഷ്​ സാൽ​വെ ഹാജരായിരുന്നു. ആദ്യഭാര്യയിൽ അദ്ദേഹത്തിന്​ രണ്ടുപെൺമക്കളുണ്ട്​.

56കാരിയായ കരോലിൻ ലണ്ടനിലെ പ്രശസ്​ത കലാകാരിയാണ്​. കരോലി​െൻറ ആദ്യവിവാഹത്തിൽ 18വയസായ ഒരു മകളുമുണ്ട്​.