Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവ്യോമസേനക്ക്​...

വ്യോമസേനക്ക്​ സർവകക്ഷി പ്രശംസ; കേന്ദ്രത്തിന്​ പൂർണ പിന്തുണ

text_fields
bookmark_border
വ്യോമസേനക്ക്​ സർവകക്ഷി പ്രശംസ; കേന്ദ്രത്തിന്​ പൂർണ പിന്തുണ
cancel

ന്യൂഡൽഹി: പാകിസ്​താനിലെ ബാലാകോട്ടിലെ​ ജയ്​ശ്​ ഭീകര കേന്ദ്രം തകർത്ത വ്യോമസേനക്ക്​ സർവകക്ഷിയോഗത്തി​​​​െ ൻറ പ്രശംസ. ഭീകരതക്കെതിരായ നടപടികൾക്ക്​ എല്ലാ പാർട്ടികളും കേന്ദ്ര സർക്കാറിന്​ ഒറ്റക്കെട്ടായി പൂർണ പിന്തുണ അറി യിച്ചു. സൈനിക നടപടിയുടെ പശ്ചാത്തലത്തിലാണ്​ സർക്കാർ സർവകക്ഷി യോഗം വിളിച്ചത്​.

വിദേശകാര്യ മന്ത്രി സുഷമ സ് വരാജ്​ ജയ്​ശെ മുഹമ്മദി​​​​െൻറ ഭീകരകേന്ദ്രം തകർത്തതിനെക്കുറിച്ച്​ വിശദീകരിച്ചു​. എല്ലാ പാർട്ടി നേതാക്കളും ഒ രേസ്വരത്തിൽ വ്യോമസേനയെ അഭിനന്ദിച്ചതിലും ഭീകരതക്കെതിരായ സർക്കാർ നടപടിക്ക്​ രാഷ്​ട്രീയത്തിന്​ അതീതമായി പൂർണ പിന്തുണ വാഗ്​ദാനംചെയ്​തതിലും സന്തോഷമുണ്ടെന്ന്​ യോഗ​ ശേഷം സുഷമ സ്വരാജ്​ മാധ്യമപ്രവർത്തകരോട്​ പറഞ്ഞു.

യോഗത്തിൽ കേന്ദ്ര അഭ്യന്തര മന്ത്രി രാജ്​നാഥ്​ സിങ്​, ധനകാര്യ മന്ത്രി അരുൺ ജയ്​റ്റ്​ലി, പാർല​െമൻററികാര്യ മന്ത്രി വിജയ്​ ഗോയൽ എന്നിവരും പ​െങ്കടുത്തു. വിഷയത്തിൽ താൻ മറ്റു രാജ്യങ്ങളുടെ വിദേശകാര്യ മന്ത്രിമാരുമായി ബന്ധപ്പെട്ടുവരുകയാണെന്ന്​ സുഷമ സ്വരാജ്​ പാർട്ടി നേതാക്കളെ അറിയിച്ചു. ചൈന സന്ദർശിക്കുന്ന അവർ ചൈന, റഷ്യ വിദേശകാര്യ മന്ത്രിമാരോട്​ സർക്കാർ നടപടിയെക്കുറിച്ച്​ വിശദീകരിക്കും. രാജ്യത്തുനിന്ന്​ തീവ്രവാദം ഉന്മൂലനംചെയ്യാൻ സർക്കാർ സ്വീകരിക്കുന്ന നടപടികൾക്ക്​ പിന്തുണ നൽകുമെന്ന്​ യോഗത്തിൽ പ​െങ്കടുത്ത രാജ്യസഭയിലെ പ്രതിപക്ഷ നേതാവ്​​ ഗുലാം നബി ആസാദ്​ പറഞ്ഞു.

സി.പി.എം ജനറൽ സെക്രട്ടറി സീതാറാം യെച്ചൂരി, സി.പി.​െഎ നേതാവ്​ ഡി. രാജ, ഡെറക്​ ഒബ്രയേൻ (തൃണമൂൽ കോൺ​ഗ്രസ്​), ഉമർ അബ്​ദുല്ല (നാഷനൽ കോൺഫറൻസ്), പ്രഫുൽ പ​േട്ടൽ (എൻ.സി.പി), സതീഷ്​ മിശ്ര (ബി.എസ്​.പി), നരേഷ്​ ഗുജ്​റാൾ ( അകാലിദൾ), രാംദാസ്​ അത്താവ്​ലെ (ആർ.പി.​െഎ), ഭർതൃഹരി മഹ്​തബ്​ (ബി.ജെ.ഡി) തുടങ്ങിയവരും യോഗത്തിൽ പ​െങ്കടുത്തു.


പിന്തുണയിൽ സന്തുഷ്​ട - സുഷമ സ്വരാജ്​
ന്യൂഡൽഹി: രാജ്യത്തെ വിവിധ രാഷ്​ട്രീയ കക്ഷികൾ സർക്കാറിനും ഇന്ത്യൻ സൈന്യത്തിനും നൽകിയ പിന്തുണയിൽ താൻ സന്തുഷ്​ടയാണെന്ന്​ വിദേശകാര്യമന്ത്രി സുഷമ സ്വരാജ്​. ഡൽഹിയിൽ ചേർന്ന സർവ കക്ഷിയോഗത്തിനു ശേഷം സംസാരിക്കുകയായിരുന്ന കേന്ദ്ര മന്ത്രി.

പാക്​ അധീന കശ്​മീരിലെ ബലാക്കോട്ടയിൽ നടത്തിയ ആക്രമണത്തിൽ രാജ്യത്തെ വിവിധ രാഷ്​ട്രീയ കക്ഷികൾ സൈന്യത്തെ അഭിനന്ദിച്ചു. ഭീകര വിരുദ്ധ പ്രവർത്തനങ്ങൾക്ക്​ സർക്കാറിന്​ പിന്തുണ നൽകി. താനതിൽ സന്തുഷ്​ടയാണ്​ -സുഷമ പറഞ്ഞു.

​ജയ്​ശെ മുഹമ്മദി​​​​​െൻറ തീവ്രവാദ കേന്ദ്രങ്ങളിൽ ​ഇന്ത്യ നടത്തിയ വ്യോമാക്രമണം സംബന്ധിച്ച്​ യു.എസ്​ സ്​റ്റേറ്റ്​ സെക്രട്ടറി മൈക്കൽ പോംപിയോയുമായി ചർച്ച നടത്തിയതായി സുഷമ സർവ കക്ഷി യോഗത്തിൽ അറിയിച്ചു.



Show Full Article
TAGS:Indian Air Force Attack Sushma Swaraj pok india news malayalam news 
News Summary - Happy to get the Support, Sushma Swaraj -India News
Next Story