ത​ട്ടി​പ്പ് കേ​സ്; ചോക്‌സിയുടെ കൈമാറ്റത്തിന് ശ്രമം തുടങ്ങി ഇന്ത്യ

ന്യൂ​ഡ​ൽ​ഹി: ത​ട്ടി​പ്പ് കേ​സി​നെ തു​ട​ർ​ന്ന് ബെ​ൽ​ജി​യ​ത്തി​ലെ ആ​ന്റ്‌​വെ​ർ​പ്പി​ൽ​ അ​റ​സ്റ്റി​ലാ​യ വ​ജ്ര​വ്യാ​പാ​രി മെ​ഹു​ൽ ചോ​ക്‌​സി​യെ കൈ​മാ​റു​ന്ന​തി​നാ​യി ബെ​ൽ​ജി​യ​വു​മാ​യി ച​ർ​ച്ച സ​ജീ​വ​മാ​ക്കി​യ​താ​യി ഇ​ന്ത്യ. കേ​ന്ദ്ര സ​ർ​ക്കാ​റി​ന്റെ അ​ഭ്യ​ർ​ഥ​ന​യെ തു​ട​ർ​ന്നാ​ണ് ശ​നി​യാ​ഴ്ച ബെ​ൽ​ജി​യ​ത്തി​ൽ ചോ​ക്‌​സി​യെ അ​റ​സ്റ്റ് ചെ​യ്ത​ത്.

ഇ​ന്ത്യ​യി​ൽ വി​ചാ​ര​ണ നേ​രി​ടു​ന്ന​തി​ന് ചോ​ക്സി​യെ കൈ​മാ​റു​ന്ന​തു​മാ​യി ബ​ന്ധ​പ്പെ​ട്ട് ബെ​ൽ​ജി​യ​വു​മാ​യി നീ​ക്ക​ങ്ങ​ൾ തു​ട​രു​ക​യാ​​ണെ​ന്ന് വി​ദേ​ശ​കാ​ര്യ മ​ന്ത്രാ​ല​യ വ​ക്താ​വ് ര​ൺ​ധീ​ർ ജ​യ്‌​സ്വാ​ൾ പ​റ​ഞ്ഞു. ചോ​സ്കി​യെ കൈ​മാ​റു​ന്ന​ത് സം​ബ​ന്ധി​ച്ച് ബെ​ൽ​ജി​യ​ൻ നി​യ​മ മ​ന്ത്രി ആ​നെ​ലീ​സ് വെ​ർ​ലി​ൻ​ഡ​ന്റെ മു​മ്പാ​കെ ഹാ​ജ​രാ​ക്കും. ഇ​ന്ത്യ​യു​ടെ കൈ​മാ​റ്റ അ​ഭ്യ​ർ​ഥ​ന​യും ചോ​ക്‌​സി​യു​ടെ കു​റ്റ​ങ്ങ​ളും അ​വ​ർ വി​ല​യി​രു​ത്തും.

അ​ഭ്യ​ർ​ഥ​ന​യി​ൽ ക​ഴ​മ്പു​ണ്ടെ​ന്ന് വെ​ർ​ലി​ൻ​ഡ​ന് ബോ​ധ്യ​പ്പെ​ടു​ക​യും രാ​ജ്യാ​ന്ത​ര കു​റ്റ​കൃ​ത്യ​ങ്ങ​ളു​ടെ മാ​ന​ദ​ണ്ഡം പാ​ലി​ക്കു​ക​യും​ചെ​യ്താ​ൽ അ​ദ്ദേ​ഹ​ത്തി​ന്റെ അ​റ​സ്റ്റ് നി​യ​മ​പ​ര​മാ​യി അം​ഗീ​ക​രി​ക്കും. തു​ട​ർ​ന്ന് ഔ​പ​ചാ​രി​ക കൈ​മാ​റ​ൽ ന​ട​പ​ടി​ക​ൾ​ക്കാ​യി വി​ഷ​യം കോ​ട​തി​യി​ലേ​ക്ക് മാ​റ്റും. 2024 ആ​ഗ​സ്റ്റ് 27നാ​ണ് ചോ​ക്സി​യെ പി​ടി​കൂ​ടി കൈ​മാ​റ​ണ​മെ​ന്ന് സി.​ബി.​ഐ ബെ​ൽ​ജി​യ​ൻ സ​ർ​ക്കാ​റി​നോ​ട് അ​ഭ്യ​ർ​ഥി​ച്ച​ത്. ന​വം​ബ​ർ 25 ന് ​ബെ​ൽ​ജി​യ​ൻ പ്രോ​സി​ക്യൂ​ട്ട​ർ​മാ​ർ ചോ​ക്സി​ക്കെ​തി​രെ അ​റ​സ്റ്റ് വാ​റ​ന്റ് പു​റ​പ്പെ​ടു​വി​ക്കു​ക​യാ​യി​രു​ന്നു. 13,500 കോ​ടി രൂ​പ​യു​ടെ ബാ​ങ്ക് വാ​യ്പ ത​ട്ടി​പ്പ് കേ​സി​ൽ ഇ​ന്ത്യ​ൻ അ​ന്വേ​ഷ​ണ ഏ​ജ​ൻ​സി​ക​ൾ ചോ​ക്‌​സി​യെ വ​ർ​ഷ​ങ്ങ​ളാ​യി തി​ര​യു​ക​യാ​യി​രു​ന്നു.

അ​റ​സ്റ്റ് വാ​റ​ന്റി​നെ തു​ട​ർ​ന്നാ​യി​രു​ന്നു ബെ​ൽ​ജി​യം പൊ​ലീ​സി​ന്റെ ഇ​ട​പെ​ട​ൽ. ചോ​ക്സി​ക്കും മ​രു​മ​ക​നാ​യ നീ​ര​വ് മോ​ദി​ക്കു​മെ​തി​രെ പ​ഞ്ചാ​ബ് നാ​ഷ​ന​ൽ ബാ​ങ്കി​ന്റെ മും​ബൈ ബ്രാ​ഡി ശാ​ഖ​യി​ലെ വാ​യ്പ ത​ട്ടി​പ്പു​മാ​യി ബ​ന്ധ​പ്പെ​ട്ട് ഇ.​ഡി​യും സി.​ബി.​ഐ​യും 2018ൽ ​ആ​ണ് കേ​​സെ​ടു​ത്ത​ത്. അ​തേ​സ​മ​യം, അ​ർ​ബു​ദ​ബാ​ധി​ത​നാ​യാ​തി​നാ​ൽ യാ​ത്ര​ക്ക​ട​ക്കം ബു​ദ്ധി​മു​ട്ടു​ള്ള​തി​നാ​ൽ ഇ​ന്ത്യ​ക്ക് കൈ​മാ​റ​രു​തെ​ന്ന് ആ​വ​ശ്യ​പ്പെ​ട്ട് അ​പ്പീ​ൽ ന​ൽ​കാ​നു​ള്ള ശ്ര​മ​ത്തി​ലാ​ണ് ചോ​ക്സി​യു​ടെ അ​ഭി​ഭാ​ഷ​ക​ർ.