Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightപ്രണയിനിയെ തേടിപ്പോയി...

പ്രണയിനിയെ തേടിപ്പോയി പാക്​ ജയിലിലായ ഹാമിദ്​ ഇന്ത്യയിലെത്തി

text_fields
bookmark_border
പ്രണയിനിയെ തേടിപ്പോയി പാക്​ ജയിലിലായ ഹാമിദ്​ ഇന്ത്യയിലെത്തി
cancel

അട്ടാരി (അമൃത്​സർ): പ്രണയിനിയെ തേടി അഫ്​ഗാനിസ്​താൻ വഴി പാകിസ്​താനിൽ പ്രവേശിച്ച്​ ജയിലിൽ അകപ്പെട്ട മുംബൈക്കാ രൻ ഹാമിദ്​ അൻസാരി ഒടുവിൽ ഇന്ത്യൻ മണ്ണിൽ തിരിച്ചെത്തി. പാക്​ ജയിലിൽ ആറു വർഷം തടവിൽ കഴിഞ്ഞ മുംബൈ സ്വദേശിയായ സോഫ ്​റ്റ്​വെയർ എൻജിനീയർ ഹാമിദ്​ അൻസാരിയാണ്​ അട്ടാരി-വാഗ അതിർത്തി വഴി ഇന്ത്യയിൽ​ തിരിച്ചെത്തിയത്​. വാഗയിൽ ഇന്ത്യൻ ഭാഗത്ത്​ നിറകൺചിരിയുമായി കാത്തുനിന്ന മാതാപിതാക്കൾ അതിർത്തി കടന്ന്​ നടന്നെത്തിയ മകനെ വാരിപ്പുണർന്ന്​ സ്വീകരിച്ചു.

പെഷാവർ ജയിലിലായിരുന്ന ഇൗ മുപ്പത്തിമൂന്നുകാരനെ, തിരിച്ചയക്കണമെന്ന ഉത്തരവോടെ ചൊവ്വാഴ്​ചയാണ്​ മോചിപ്പിച്ചത്​. ഒാൺലൈൻ വഴി പരിചയപ്പെട്ട പെൺകുട്ടിയെ കണ്ടുമുട്ടാനായി 2012ലാണ്​ ഹാമിദ്​ ഇന്ത്യ വിട്ടത്​. പാകിസ്​താനിൽ പ്രവേശിക്കാൻ അഫ്​ഗാൻ വഴിയാണ്​ ഇയാൾ പോയത്​. വ്യാജ പാക്​ തിരിച്ചറിയൽ കാർഡുമായി പാക്​ സേനയുടെ പിടിയിലായ ഹാമിദിനെ സൈനിക കോടതി 2015ൽ മൂന്നു വർഷം തടവിന്​ ശിക്ഷിച്ചു. ശിക്ഷാ കാലാവധി ഡിസംബർ 15ന്​ അവസാനിച്ചതോടെയാണ്​ മോചനവഴി തെളിഞ്ഞത്​. അതേസമയം, ചാരവൃത്തിക്കായാണ്​ ഇയാൾ പാകിസ്​താനിൽ എത്തിയതെന്നായിരുന്നു പാക്​ അധികൃതരുടെ വാദം.

ദൈവം ഞങ്ങളുടെ പ്രാർഥന കേട്ടുവെന്നും ജീവിതത്തിലെ ഏറ്റവും സന്തോഷകരമായ മുഹൂർത്തമാണിതെന്നും, വാഗയിൽ കാത്തിരുന്ന മാതാവ്​ ഫൗസിയയും പിതാവ്​ നിഹാൽ അൻസാരിയും പറഞ്ഞു. ഇന്ത്യൻ അധികൃതരുടെ നേതൃത്വത്തിൽ സ്വീകരിച്ച ഹാമിദിനെ വൈദ്യ പരിശോധനക്കു വിധേയനാക്കി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:pakistan jailmalayalam newsHamid Nehal Ansari
News Summary - Hamid Nehal Ansari pakistan jail -India News
Next Story