രണ്ട്​ ബിരിയാണി വാങ്ങിയാൽ അര കിലോ തക്കാളി ഫ്രീ!

ചെന്നൈ: രണ്ട്​ ബിരിയാണി വാങ്ങിയാൽ അര കിലോ തക്കാളി സൗജന്യമായി നൽകുമെന്ന്​ പ്രഖ്യാപിച്ച്​ ആമ്പൂർ ബിരിയാണിക്കട. ചെന്നൈ മേഖലയിൽ തക്കാളിയുടെ വില കിലോക്ക്​ 150 രൂപയായി വർധിച്ച സാഹചര്യത്തിലാണ്​ ഇൗ ഒാഫർ.

Also Read:തക്കാളി വെറുതേ കളയേണ്ട, വട ഉണ്ടാക്കാം

ചെങ്കൽപ്പട്ട്​ ജില്ലയിലെ മധുരാന്തകം സോത്തുപ്പാക്കത്തിലാണ്​ കട. സമൂഹമാധ്യമങ്ങളിലൂടെയാണ്​ അറിയിപ്പ്​ പുറപ്പെടുവിച്ചത്​.

ഒരു കിലോ തക്കാളി വാങ്ങിയാൽ ഒരു ബിരിയാണി സൗജന്യമായി നൽകുമെന്ന മറ്റൊരു വാഗ്​ദാനവുമുണ്ട്​.

Also Read:100 കടന്ന്​ തക്കാളി; പച്ചക്കറി പൊള്ളുന്നു

തക്കാളിക്ക്​ വില കുടുന്നത്​ ഭരണകേന്ദ്രങ്ങളുടെ ശ്രദ്ധയിൽപ്പെടുത്തുന്നതിനാണ്​ ചൊവ്വാഴ്​ച മാത്രമായി ഇത്തരമൊരു സൗജന്യ വിൽപന നടത്തിയതെന്ന്​ കടയുടമ പറഞ്ഞു.