ഹൽദ്വാനി സംഘർഷം: 25 പേർകൂടി അറസ്റ്റിൽ

ഹൽദ്വാനി: ഉത്തരാഖണ്ഡിലെ ഹൽദ്വാനിയിൽ സംഘർഷവുമായി ബന്ധപ്പെട്ട് 24 മണിക്കൂറിനിടെ 25 പേരെ കൂടി പൊലീസ് പിടികൂടി. നൈനിറ്റാൾ ജില്ലയോടു ചേർന്ന ഭാഗത്താണ് കൂടുതൽ പേരെയും അറസ്റ്റ് ചെയ്തത്. ഇവരിൽനിന്ന് സ്ഫോടകവസ്തുക്കളും കണ്ടെടുത്തതായി പൊലീസ് പറഞ്ഞു.

ഇതോടെ മൊത്തം അറസ്റ്റിലായവരുടെ എണ്ണം 30 ആയി. അനധികൃത നിർമാണമെന്ന് ആരോപിച്ച് മസ്ജിദും മദ്റസയും തകർത്തതിനെ തുടർന്ന് പൊട്ടിപ്പുറപ്പെട്ട സംഘർഷത്തിൽ പൊലീസ് വെടിവെപ്പിൽ ആറു പേർ കൊല്ലപ്പെട്ടിരുന്നു.