സുപ്രീംകോടതിയിൽ ചൂടേറിയ വാഗ്വാദം; ഹാദിയ കേസ്​ ഒക്​ടോബർ 30ലേക്ക്​ മാറ്റി

ന്യൂഡൽഹി: ​ഹാദിയ കേസിൽ സുപ്രീംകോടതിയിൽ ചൂടേറിയ വാഗ്വാദം. ഇതേ തുടർന്നുണ്ടായ ബഹളത്തിൽ ഇൗ ​േകസ്​ ‘ഇന്നിനി’ കേൾക്കില്ലെന്ന്​ വ്യക്​തമാക്കി ചീഫ്​ ജസ്​റ്റിസ്​ ദീപക്​ മിശ്ര മറ്റൊരു ദിവസത്തേക്ക്​ മാറ്റിവെച്ചു. ഹാദിയയുടെ ഭർത്താവ്​ ശഫിൻ ജഹാനുവേണ്ടി ഹാജരായ മുതിർന്ന അഭിഭാഷകൻ ദുഷ്യന്ത്​ ദവെയുടെ വാദങ്ങളാണ്​ ചൂടേറിയ വാഗ്വാദത്തിന്​ കാരണമായത്​.   ബി.ജെ.പി ദേശീയ ജനറൽ സെക്രട്ടറി അമിത്​ ഷാ, ഉത്തർപ്രദേശ്​ മുഖ്യമന്ത്രി  യോഗി ആദിത്യനാഥ്​ എന്നിവർ കേരളത്തിൽ വന്ന്​ ലവ്​ ജിഹാദിനെ കുറിച്ച്​ സംസാരിച്ച്​ അന്തരീക്ഷം മലീമസമാക്കാൻ നോക്കിയെന്നും ഇപ്പോൾ ഇൗ കേസിൽ എൻ.​െഎ.എ അവർക്ക്​ വേണ്ടി പ്രവർത്തിക്കുകയാണെന്ന​ും ദവെ വാദിച്ചു.  

രാഷ്​​്ട്രപതി രാം നാഥ്​ കോവിന്ദ്​ ഞായറാഴ്​ച കേരളത്തെ കുറിച്ച്​ പറഞ്ഞത്​ ‘ഇക്കണോമിക്​ ടൈംസ്​’ പത്രത്തിൽ നോക്കി സുപ്രീംേകാടതിക്ക്​ വായിച്ചുകൊടുത്ത്​ വാദം തുടങ്ങിയ ദുഷ്യന്ത്​ ദവെ കഴിഞ്ഞ പത്തറുപത്​ വർഷങ്ങളായി ഹിന്ദുക്കളും മുസ്​ലിംകളും ക്രി​സ്​ത്യാനികളും അ​ങ്ങോട്ടുമിങ്ങോട്ടും വിവാഹം കഴിച്ച്​ സമാധാനത്തോടെ ജീവിക്കുന്ന നാടാണ്​ കേരളമെന്ന്​ ബോധിപ്പിച്ചു. നിർഭാഗ്യകരമെന്ന്​ പറയ​െട്ട, ആ അന്തരീക്ഷം മോശമാക്കാനാണ്​ ഇപ്പോഴത്തെ ശ്രമം. ആ സംസ്​ഥാനത്ത്​ ഇപ്പോൾ ഒരാളെ വിവാഹം കഴിക്കാൻ കോടതിയുടെ അനുമതി വാങ്ങേണ്ടി വന്നിരിക്കുന്നുവെന്നും അദ്ദേഹം പറഞ്ഞു. 

 അമിത്​ ഷായും  യോഗി ആദിത്യനാഥും കേരളത്തിൽ വന്ന്​ ലവ്​ ജിഹാദിനെ കുറിച്ചാണ്​ സംസാരിച്ചത്​. ഇൗ വിഷയം രാഷ്​ട്രീയമായി ഉപയോഗിക്കുകയാണ്​ എൻ.​െഎ.എയും ഇപ്പോൾ ചെയ്യുന്നത്​. അത്​ അനുവദിക്കരുത്​. യോഗി ആദിത്യനാഥി​​െൻറ അഡീഷനൽ അഡ്വക്കറ്റ്​ ജനറൽ ആണ്​ നിമിഷ എന്ന പെൺകുട്ടിക്ക്​ ​േവണ്ടി എന്ന്​ പറഞ്ഞ്​ കേസിൽ കക്ഷിചേരാൻ ഹരജിയുമായി വന്നിരിക്കുന്നത്​. ഇതിൽനിന്ന്​ തന്നെ കേസിനെ രാഷ്​ട്രീയമായി ഉപയോഗിക്കുകയാണെന്ന്​ മനസ്സിലാകും. ബഹുമാനപ്പെട്ട കോടതി ഇത്​ തിരിച്ചറിയണമെന്നും ദവെ വാദിച്ചു. 

കേസിൽ എൻ.​െഎ.എക്ക്​ വേണ്ടി ഹാജരായ അഡീഷനൽ സോളിസിറ്റർ ജനറൽ മനീന്ദർ സിങ്​​, നിരവധി ലവ്​ ജിഹാദ്​ കേസുകൾ കേരളത്തിലു​െണ്ടന്ന്​ പറഞ്ഞതാണ്​ ദവെയെ ​പ്രകോപിപ്പിച്ചത്​. എന്ത്​ അസംബന്ധമാണിതെന്ന്​ ചോദിച്ച്​ ഇരിപ്പിടത്തിൽനിന്ന്​ എഴുന്നേറ്റ്​ പൊട്ടിത്തെറിച്ച ദവെ, എൻ.​െഎ.എ സ്വതന്ത്രമായ ഏജൻസിയല്ലെന്നും അമിത്​ ഷായും കേന്ദ്ര സർക്കാറും നിങ്ങളെ സ്വാധീനിച്ചിരിക്കുകയാണെന്നും പറഞ്ഞു. ഇതോടെ ക്ഷുഭിതനായ എൻ.​െഎ.എ അഭിഭാഷകൻ, ദവെയാണ്​ അസംബന്ധം പറയുന്നതെന്ന്​  തിരിച്ചടിച്ചു. ദവെ എല്ലായ്​പ്പോഴും വ്യക്​തിപരമായ വിമർശനങ്ങളുന്നയിക്കുകയാണെന്നും ഇത്​ അംഗീകരിക്കാനാവി​െല്ലന്നും മനീന്ദർ സിങ്​​ തുടർന്നു. അരുതെന്ന്​ പറഞ്ഞ്​ ചീഫ്​ ജസ്​റ്റിസ്​ ദീപക്​ മിശ്ര വിലക്കുന്നതിനിടയിലും ഇരുവരും തമ്മിൽ ​രൂക്ഷമായ വാഗ്വാദം നടന്നു. 

ഇൗ കേസ്​ ഇത്തരമൊരു സാഹചര്യത്തിൽ  ഇനി കേൾക്കാൻ കഴിയില്ലെന്നും നവംബർ 30ലേക്ക്​ മാറ്റുകയാണെന്നും ചീഫ്​ ജസ്​റ്റിസ്​ പറഞ്ഞതോടെയാണ്​ വാഗ്വാദത്തിന്​ അറുതിയായത്​. തുടർന്ന്​ ഇടപെട്ട ജസ്​റ്റിസ്​ ചന്ദ്രചൂഡ്​ രണ്ടുപേരും മുതിർന്ന അഭിഭാഷകരല്ലേ എന്ന്​ ഇരുവരോടും ചോദിച്ചു. രാഷ്​ട്രീയ വ്യക്​തിത്വങ്ങളെ പരാമർശിക്കരുതെന്നും നിർദേശിച്ചു. രാഷ്​ട്രീയമായ വാദങ്ങൾ നമുക്ക്​ വേ​െണ്ടന്നും ജുഡീഷ്യറി അതിൽനിന്നെല്ലാം അകന്ന്​ നിൽക്കുകയാണെന്നും അങ്ങനെതന്നെ തുടരണമെന്നും ജസ്​റ്റിസ്​ ചന്ദ്രചൂഡ്​ പറഞ്ഞു. ഇത്​ നിയമകോടതിയാണെന്നും ഇന്നിനി നിങ്ങളെ കേൾക്കില്ല എന്നും​ ചീഫ്​ ജസ്​റ്റിസ്​ ദീപക്​ മിശ്ര ആവർത്തിച്ചപ്പോൾ അതെ​ങ്ങനെ താങ്കൾക്ക്​ ചെയ്യാനാകുമെന്ന്​ ദവെ ചോദിച്ചു. ബഹുമാനപ്പെട്ട കോടതി എന്നെ കേൾക്കണം. എന്നെ കേൾക്കാൻ കഴിയില്ലെങ്കിൽ താനിനി ഇൗ കേസ്​ വാദിക്കുന്നില്ലെന്നും ദവെ പറഞ്ഞു.

നിങ്ങളെ കേൾക്കാനായി മാത്രമാണ്​ ഇന്നേക്ക്​ കേസ്​ മാറ്റിയത്​ എന്നും മറ്റെല്ലാ കേസുകളും ഇതിനായി മാറ്റുകയാണെന്നും ജസ്​റ്റിസ്​ ഖൻവിൽകർ മറുപടി പറഞ്ഞു. കേസിൽ അമിക്കസ്​ ക്യൂറിയെ വെക്കാനിരിക്കുകയായിരുന്നുവെന്നും അനുകൂലമായി വരുകയായിരുന്ന വിഷയത്തെ ബുൾഡോസറിട്ട്​ തകർത്തത്​ താങ്കൾ തന്നെയാണെന്നും ചീഫ്​ ജസ്​റ്റിസ്​ പറഞ്ഞത്​ ദവെയെ വീണ്ടും ക്ഷുഭിതനാക്കി. താങ്കളുടെ വാക്കുകൾ എ​​െൻറ വായിൽ തിരു​േകണ്ടെന്നും താങ്കൾക്ക്​ താൽപര്യമില്ലെങ്കിൽ കേസിനി വാദിക്കുന്നില്ലെന്നും ദവെ കൂട്ടിച്ചേർത്തു. അതിന്​ ശേഷം കേസ്​ നവംബറിലേക്ക്​ മാറ്റാനുള്ള തീര​ുമാനം തിരുത്തിയ ചീഫ്​ ജസ്​റ്റിസ്​ ചില നിരീക്ഷണങ്ങൾ നടത്തി കേസ്​ ഒക്​ടോബർ 30ലേക്ക്​ മാറ്റി.