Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightബോർഡിലെ 'കാ' മാറ്റി...

ബോർഡിലെ 'കാ' മാറ്റി 'ഹാ' ആക്കി റെയിൽവെ; സംസ്​കൃതം അടിച്ചേൽപിക്കാനുള്ള നീക്കമാണെന്ന്​ തമിഴ്​ ആക്​ടിവിസ്റ്റുകൾ

text_fields
bookmark_border
ബോർഡിലെ കാ മാറ്റി ഹാ ആക്കി റെയിൽവെ; സംസ്​കൃതം അടിച്ചേൽപിക്കാനുള്ള നീക്കമാണെന്ന്​ തമിഴ്​ ആക്​ടിവിസ്റ്റുകൾ
cancel
camera_alt

പുതിയ ബോർഡും പഴയ ബോർഡും. ‘ക’ മാറ്റി ‘ഹ’ ആക്കിയത്​ കാണാം

ചെന്നൈ: കാരൂരിലെ മഹാധനപുരം റെയിൽവെ സ്​റ്റേഷന്‍റെ ബോർഡ്​ പുതുക്കിയപ്പോൾ തമിഴിലെ ഒരക്ഷരം മാറി. മാറിയത്​ ഒരക്ഷരമാണെങ്കിലും ഇതുയർത്തിയ വിവാദം വളരെ വലുതാണ്​. സംസ്​കൃതം അടിച്ചേൽപിക്കാനുള്ള കേന്ദ്ര നീക്കമാണ്​ ബോർഡിലെ അക്ഷരം മാറിയതിന്​ പിന്നിലെന്നാണ്​ തമിഴ്​ ആക്​ടിവിസ്റ്റുകൾ പറയുന്നത്​. ബോർഡ്​ പഴയ രൂപത്തിലാക്കിയില്ലെങ്കിൽ തെരഞ്ഞെടുപ്പ്​ ബഹിഷ്​കരിക്കുമെന്നും അവർ മുന്നറിയിപ്പ്​ നൽകുന്നു.

'ഹ' എന്ന അക്ഷരം തമിഴിൽ ഇല്ല എന്നാണ്​ തമിഴ്​ ഭാഷാ സ്​നേഹികളുടെ വാദം. പകരം 'ക' എന്ന അക്ഷരമാണുള്ളത്​. സംസ്​കൃതം ഒളിച്ചു കടത്തുന്നതിന്‍റെ ഭാഗമായാണ്​ 'ഹ' എന്ന അക്ഷരം ഉപയോഗിക്കുന്നതെന്നും അവർ പറയുന്നു.

'മഹാധനപുരം' എന്നതിന്​ പകരം 'മകാധനപുരം' എന്നാണ്​ തമിഴിൽ എഴുതുന്നത്​. എന്നാൽ, ബോർഡ്​ പുതുക്കി സ്​ഥാപിച്ചപ്പോൾ 'കാ' എന്നതിന്​ പകരം 'ഹാ' എന്നാണ്​ റെയിൽവെ അധികൃതർ ചേർത്തത്​. ഇതാണ്​ തമിഴ്​ ഭാഷാ സ്​നേഹികളെ പ്രകോപിപ്പിച്ചത്​.

''ഹിന്ദി അടിച്ചേൽപിക്കാനുള്ള ശ്രമത്തിന്​ ശേഷം, സംസ്​കൃതം അടിച്ചേൽപിക്കാനുള്ള ശ്രമത്തിലാണ്​ കേന്ദ്രം' -കാരൂരിൽ നിന്നുള്ള തമിഴ്​ ആക്​റ്റിവിസ്റ്റ്​ ഭരണിധരൻ പറഞ്ഞതായി ന്യൂ ഇൻഡ്യൻ എക്​സ്​​പ്രസ്​ റിപ്പോർട്ട്​ ചെയ്യുന്നു. ഗ്രാമപ്രദേശത്തുള്ളവർ കേട്ടിട്ടുപോലുമില്ലാത്ത അക്ഷരമാണ്​ 'ഹ' എന്നും അദ്ദേഹം പറയുന്നു.

ആദ്യം ബോർഡിൽ തെറ്റായാണ്​ 'മഹാധനപുരം' എന്ന്​ തമിഴിൽ എഴുതിയിരുന്നതെന്നും തങ്ങൾ തെറ്റുതിരുത്തുക മാത്രമാണ്​ ചെയ്​തതെന്നും റെയിൽവെ അധികൃതർ പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Tamil Nadutamil
News Summary - ‘ha’ replaces ‘ka’ in new railway station board
Next Story