അപകടമുണ്ടാക്കുന്നത്​ ആഡംബര കാർ ഡ്രൈവർമാർ: കണ്ണന്താനം

ന്യൂഡൽഹി: ആഡംബര കാർ ഡ്രൈവർമാരാണ്​ റോഡിൽ ഏറ്റവും അപകടകാരികളെന്ന് കേന്ദ്ര​ ടൂറിസം മന്ത്രി  അൽഫോൻസ്​ കണ്ണന്താനം. കോടീശ്വരൻമാർക്കാണ്​ വാഹനം സുരക്ഷിതമായ ി ഒാടിക്കുന്നതിനുള്ള പരിശീലനം നൽകേണ്ടതെന്നും കണ്ണന്താണം പറഞ്ഞു. ദേശിയ ടൂറിസത്തി​​​െൻറ വികസനത്തിന്​ വേണ്ടി സുരക്ഷിതമായ ഗതാഗതം പ്രോത്സാഹിപ്പിക്കുന്നതിനുള്ള ദ്വിദിന കോൺഫറൻസ്​ ഉദ്​ഘാടനം ചെയ്യുകയായിരുന്നു അദ്ദേഹം. വിദേശ വിനോദ സഞ്ചാരികളെ ആകർഷിക്കാൻ രാജ്യത്ത്​ മികച്ച റോഡുകളും ഗതാഗത സൗകര്യവും ഒരുക്കാനും കണ്ണന്താനം ആവ​ശ്യപ്പെട്ടു.

വർഷം 1.5 ലക്ഷം അപകടങ്ങൾ സൃഷ്​ടിക്കുന്ന രാജ്യത്തെ സുരക്ഷിതമല്ലാത്ത റോഡുകളെ കുറിച്ച്​ സംസാരിക്കുന്നതിനിടെയാണ്​ കണ്ണന്താനം ആഡംബര കാറുപയോഗിക്കുന്നവർക്ക്​ നേരെ തിരിഞ്ഞത്​. ടാക്​സി ഡ്രൈവർമാർക്ക്​ സുരക്ഷിതമായ ഡ്രൈവിങ്ങിനുള്ള പരിശീലനം നൽകുന്നത്​ പോലെ വിലകൂടിയ വാഹനങ്ങൾ ഉപയോഗിക്കുന്ന കോടീശ്വരൻമാർക്കും പരിശീലനം നൽകണം. മാറ്റം വരേണ്ടത്​ ഉന്നതരിൽ നിന്നാണെന്നും അദ്ദേഹം പറഞ്ഞു.​ 

വില കൂടിയ കാർ കയ്യിലുണ്ടെങ്കിൽ ലോകം കീഴടക്കിയത്​ പോലെയാണ്​ ചിലർക്ക്​. ഫുട്​പാത്തിൽ കിടക്കുന്നവർക്ക് നേരെ ഇടിച്ചു കയറാൻ ലൈസൻസ്​ കിട്ടിയത്​ ​േപാലെയായിരിക്കും​ ഡ്രൈവിങ്​. എന്തെങ്കിലും സംഭവിച്ചാൽ അഭിഭാഷകർ അവരെ കേസിൽ നിന്നും ഉൗരിയെടുക്കുകയും ചെയ്യും. ഇന്ത്യയിൽ സമീപ കാലത്ത്​ കണ്ടുവരുന്ന സംഭവങ്ങളെ ഉദ്ധരിച്ച്​ കണ്ണന്താനം തുറന്നടിച്ചു.

മികച്ച റോഡുകൾ ഒരുക്കിയാൽ രാജ്യത്ത്​ അടുത്ത മൂന്ന്​ വർഷത്തിനുള്ളിൽ ഇപ്പോഴുള്ളതി​​​െൻറ ഇരട്ടി വിനോദ സഞ്ചാരികളുടെ ഒഴുക്കുണ്ടാവുമെന്നും 2017ൽ ഒരു കോടി വിദേശ സഞ്ചാരികൾ രാജ്യം സന്ദർശിച്ചതായും കണ്ണന്താനം അറിയിച്ചു.

ഒരു കേന്ദ്ര മന്ത്രി എന്ന നിലയിൽ തനിക്ക്​ നൽകിയ സുരക്ഷാ അകമ്പടിയെയും കണ്ണന്താനം ചോദ്യം ​െചയ്​തു. ഒരു പാവം ടൂറിസം മന്ത്രിയെ ആര്​ കൊല്ലാനാണെന്നും പ്രധാനമന്ത്രിക്കും രാഷ്​ട്രപതിക്കും ഉപരാഷ്​ട്രപതിക്കും നൽകുന്ന സുരക്ഷ തനിക്ക്​ ആവശ്യമില്ലെന്നും അദ്ദേഹം പറഞ്ഞു. ത​​​െൻറ കാറുകൾക്ക്​ ചുറ്റും അകമ്പടി വാഹനങ്ങൾ വരുന്നത്​ തനിക്ക്​ നാണക്കേടാണെന്നും കണ്ണന്താനം സദസ്സിനോട്​ പറഞ്ഞു.