ഗുവാഹത്തിയിൽ ആരാധനാലയങ്ങളുടെ ചുറ്റുവട്ടം നിശബ്​ദ മേഖലകളായി പ്രഖ്യാപിച്ചു

ദിസ്​പൂർ: അസമിലെ ഗുവാഹത്തിയിൽ ആരാധനാലയങ്ങളുടെ 100 മീറ്റർ ചുറ്റളവ്​ ഇനി നിശബ്​ദ മേഖല. അമ്പലങ്ങൾ, മുസ്​ലിം പള്ളികൾ, ചർച്ചുകൾ, ഗുരദ്വാരകൾ തുടങ്ങിയവയുടെ 100 മീറ്റർ ചുറ്റളവാണ്​ നിശബ്​ദ മേഖലയായി പ്രഖ്യാപിച്ചത്​. ആരാധനാലയങ്ങൾ കൂടാതെ സർക്കാർ –സ്വകാര്യ ആശുപത്രികൾ, വിദ്യാഭ്യാസ സ്​ഥാപനങ്ങൾ, കോടതികൾ, സർക്കാർ സ്​ഥാപനങ്ങൾ എന്നിവയുടെ 100 മീറ്റർ ചുറ്റളവും നിശബ്​മേഖലകളുടെ പരിധിയിൽ പെടുത്തിയിട്ടുണ്ട്​.

അതേസമയം ആരാധനാലയങ്ങളിൽ  മൈക്രോഫോ​ണും ലൗഡ്​സ്​പീക്കറും ഉപ​​യോഗിക്കുന്നതിനെക്കുറിച്ച്​ വിജ്​ഞാപനത്തിൽ നേരിട്ട്​ പരാമർശിക്കുന്നില്ല. അതേസമയം രാത്രി 10 മുതൽ രാവിലെ ആറ്​ വ​രെ ലൗഡ്​ സ്പീക്കർ ഉപയോഗിക്കാൻ അനുമതിയില്ലെന്ന്​ കാമരൂപ്​ മെട്രോ  ജില്ലാ മജിസ്​ട്രേറ്റ്​ അനഗമുത്തുവിനെ ഉദ്ധരിച്ച്​ ദ സൺഡെ എക്​സ്​പ്രസ്​  റിപ്പോർട്ട്​ ചെയ്​തു. അസം സർക്കാറി​​െൻറ നിർദേശപ്രകാരമാണ്​ ജില്ലാ മജിസ്​ട്രേറ്റ്​ വിജ്​ഞാപനമിറക്കിയത്​.

ശബ്​ദ മലിനീകരണ നിയന്ത്രണ നിയമം,  പരിസ്​ഥിതി സംരക്ഷണ നിയമം എന്നിവ അനുസരിച്ചാണ്​ വിജ്​ഞാപനം പുറപ്പെടുവിച്ചത്​. ഇതു പ്രകാരം സംസ്​ഥാന സർക്കാറിന്​ പ്രദേശങ്ങളെ വ്യവസായ, വാണിജ്യ, റെസിഡൻഷ്യൽ, നിശബ്​ദ  മേഖലകളായി തിരിച്ച്​ ശബദത്തി​​െൻറ നിയന്ത്രണം ഏർപ്പെടുത്താം. ശബ്​ദ രഹിതമായി വിജ്​ഞാപനം ചെയ്​ത മേഖലകളിലെ ശബ്​ദ മലിനീകരണത്തെക്കുറിച്ച്​ മാസം തോറും റിപ്പോർട്ട്​ നൽകാനും ജില്ലാ  മജിസ്​ട്രേറ്റ്​ സംസ്​ഥാന മലിനീകരണ നിയന്ത്രണ ബോർഡി​നോട്​ ആവശ്യപ്പെട്ടിട്ടുണ്ട്​.

ആരാധനാലയങ്ങളിലെ ലൗഡ്​സ്​പീക്കർ ഉപയോഗത്തെക്കുറിച്ച്​ സാമൂഹിക മാധ്യമങ്ങളിൽ ചർച്ച നടക്കുന്നതിനിടെയാണ്​ അസം സർക്കാറി​​െൻറ നടപടി. മുസ്ലിം പള്ളികളിൽ ബാങ്കുവിളിക്കുന്നതിനെതിരെ ഗായകൻ സോനു നിഗം ട്വീറ്റ് ചെയ്തത്​ വിവാദമായിരുന്നു. ‘‘എല്ലാവരേയും ദൈവം അനുഗ്രഹിക്കട്ടെ, ഞാനൊരു മുസ്ലിം അല്ല, പക്ഷേ പുലർച്ചെ ബാങ്കുവിളികേട്ടാണ് എനിക്ക്  ഉണരേണ്ടി വരുന്നത്. ഇന്ത്യയിലെ ഈ നിര്‍ബന്ധിത മതാരാധന എന്നവസാനിക്കും’’- എന്നായിരുന്നു സോനുവി​െൻറ ട്വീറ്റ്.

അതേസമയം സോനിവി​​​െൻറ വാദം തെറ്റാണെന്ന്​ ബി.ബി.സി കണ്ടെത്തിയിരുന്നു. സോനുവിൻറെ അന്ധേരിയിലെ വേഴ്​സോവയിലുള്ള വസതിക്ക്​ സമീപം മുസ്​ലിം പള്ളിയിൽ നിന്നുള്ള ബാങ്ക്​ വിളി കേൾക്കില്ലെന്നായിരുന്നു​ ബി.ബി.സി റിപ്പോർട്ട്​.  എന്നാൽ അന്ധേരി​യിലെ മില്ലത്ത്​ നഗറിലുള്ള സോനു നിഗത്തി​​െൻറ വസതിയിൽ ബാങ്ക്​ വിളി കേൾക്കാമെന്ന്​ ക്വിൻറ്​ വെബ്​സൈറ്റ്​ കണ്ടെത്തിയിരുന്നു.