Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഗൺമാ​െൻറ വെടിയേറ്റ...

ഗൺമാ​െൻറ വെടിയേറ്റ ജഡ്​ജിയുടെ മകൻ മസ്​തിഷ്​ക മരണത്തിന്​ കീഴടങ്ങി

text_fields
bookmark_border
ഗൺമാ​െൻറ വെടിയേറ്റ ജഡ്​ജിയുടെ മകൻ മസ്​തിഷ്​ക മരണത്തിന്​ കീഴടങ്ങി
cancel

ഗുഡ്​ഗാവ്​: നഗരമധ്യത്തിൽവെച്ച്​ ഗൺമാ​​​​െൻറ വെടിയേറ്റ ജഡ്​ജിയുടെ ഭാര്യ മരിച്ചതിനു പിറകെ മകനും മസ്​തിഷ്​ക മരണത്തിന്​ കീഴടങ്ങിയതായി ആശുപത്രി അധികൃതർ അറിയിച്ചു. അഡീഷണൽ സെഷൻസ്​ ജഡ്​ജ്​ കൃഷ്​ണൻകാന്ത്​ ശർമയുടെ മകൻ ധ്രുവിനാണ്​(18) മസ്​തിഷ്​ക മരണം സംഭവിച്ചത്​. ശർമയുടെ ഭാര്യ റിതു(38) കഴിഞ്ഞ ദിവസം മരിച്ചിരുന്നു. വെടിയേറ്റ്​ തലക്ക്​ ഗുരുതര മുറിവേറ്റ മകൻ ചികിത്​സ​ തുടരുന്നതിനിടെയാണ്​ മസ്​തിഷ്ക മരണം സ്​ഥിരീകരിച്ചത്​.

ഡൽഹിയിലെ ഗുഡ്​ഗാവിൽ ശനിയാഴ്​ച വൈകീട്ടായിരുന്നു സംഭവം. വൈകുന്നേരം 3.30ന്​ സാധനങ്ങൾ വാങ്ങാനായി മാർക്കറ്റിൽ എത്തിയപ്പോഴായിരുന്നു സുരക്ഷാ ഉദ്യോഗസ്​ഥൻ മഹിപാൽ സിങ് റിതുവിനും ധ്രുവിനും നേരെ വെടിയുതിർത്തത്​.

ആദ്യം റിതുവിനെ വെടിവെച്ച ശേഷം പിന്നീട്​ മകനെതിരെയും വെടിയുതിർക്കുകയായിരുന്നു. വെടിവെച്ച ശേഷം​ ധ്രുവിനെ വലിച്ചിഴച്ച്​ കാറിൽ കയറ്റാൻ ശ്രമിച്ചെങ്കിലും സാധിച്ചില്ല. അതോടെ അവരെ റോഡിൽ ഉപേക്ഷിച്ച്​ ഗൺമാൻ കാർ ഒാടിച്ച്​ പോവുകയായിരു​ന്നു. പോകുന്ന വഴി ഇയാൾ ജഡ്​ജിയുടെ ഫോണിലേക്ക്​ വിളിച്ച്​ താൻ ഇരുവർക്കും നേരെ വെടിയുതിർത്തതായി അറിയിച്ചു.​

പൊലീസ്​ സ്​റ്റേഷനിലെത്തിയ മഹിപാൽ സിങ്​ അവിടെയും വെടിയുതിർത്തു. ഇയാളെ അവിടെ വച്ച്​ കീഴ്​പ്പെടുത്താൻ ശ്രമിച്ചെങ്കിലും സാധിച്ചില്ല. തുടർന്ന്​ ഫരീദാബാദിൽ വച്ചാണ്​ ഇയാൾ അറസ്​റ്റിലായത്​. ഇയാളെ കോടതി നാലു ദിവസത്തെ ​െപാലീസ്​ കസ്​റ്റഡിയിൽ വിട്ടു.

അതേസമയം, വെടിയുതിർത്തതി​നു പിന്നിലെ കാരണം വ്യക്തമല്ല. കുടുംബ പ്രശ്​നങ്ങൾ മൂലം വിഷാദാവസ്​ഥയിലായിരുന്നുവെന്നാണ്​ മഹിപാൽ പറയുന്നത്​. ജഡ്​ജിയുടെ കുടുംബത്തി​​​​​െൻറ ​മോശമായ പെരുമാറ്റത്തിലുള്ള അസ്വസ്​ഥതയാണ്​ മഹിപാലിനെ അക്രമത്തിനു പ്രേരിപ്പിച്ചതെന്നാണ്​ പൊലീസ്​ കരുതുന്നത്​.

Show Full Article
TAGS:Gurgaon shot india news malayalam news 
News Summary - Gurugram Judge's Son Declared 'Brain Dead' -India news
Next Story