ദേര ആസ്​ഥാനത്ത്​ പെൺകുട്ടികളുടെ ഹോസ്​റ്റലിലേക്ക്​ രഹസ്യ ഇടനാഴി

സിർസ (ഹരിയാന): ബലാത്സംഗക്കേസുകളിൽ 20 വർഷം ശിക്ഷിക്കപ്പെട്ട്​ ജയിലിൽ കഴിയുന്ന ആൾദൈവം ഗുർമീത്​ റാം റഹീം സിങ്ങി​​​​െൻറ ദേര സച്ചാ സൗദ ആസ്​ഥാനത്ത്​ അനധികൃത പടക്ക ഫാക്​ടറി. രണ്ടു ദിവസമായി സുരക്ഷസേന​ നടത്തുന്ന പരിശോധനയിലാണിത്​ കണ്ടെത്തിയത്​. പെൺകുട്ടികളുടെ ഹോസ്​റ്റലിലേക്ക്​ രഹസ്യ ഇടനാഴിയുണ്ട്​. അ​േങ്ങാട്ടുള്ള ഫൈബർ ടണലും ക​െണ്ടത്തി​. 

പഞ്ചാബ്​ -ഹരിയാന ​െെഹകോടതി നിർദേശപ്രകാരമാണ്​ പൊലീസും അർധ​ൈസനിക വിഭാഗങ്ങളും സിവിൽ ഉദ്യോഗസ്​ഥരും െവള്ളിയാഴ്​ച ആശ്രമത്തിൽ പരിശോധന തുടങ്ങിയത്​. ദുരൂഹത ഉയർത്തുന്നതാണ്​ ഇവിടത്തെ കാഴ്​ചകൾ. പടക്ക നിർമാണത്തിന്​ ഉപയോഗിക്കുന്ന രാസവസ്​തുക്കൾ പിടിച്ചെടുത്തതായി പബ്ലിക്​ റിലേഷൻസ്​ ഡെപ്യൂട്ടി ഡയറക്​ടർ സതീഷ്​ മെഹ്​റ പറഞ്ഞു. ഫാക്​ടറി പൂട്ടി സീൽ ചെയ്​തു. ഗുർമീത്​ താമസിച്ചിരുന്ന സ്​ഥലം ‘ഗുഫ’ എന്നാണ്​ അറിയപ്പെടുന്നത്​​.  ആശ്രമത്തിലെ വനിതകൾ താമസിച്ചിരുന്നത്​ ‘സദ്​വി നിവാസി’ലായിരുന്നു. അങ്ങോട്ടുള്ള ടണൽ മണ്ണ്​ നിറച്ച നിലയിലാണ്​ കണ്ടെത്തിയത്​. 

നിരോധിത കറൻസി, രജിസ്​റ്റർ ചെയ്യാത്ത ആഡംബര കാർ തുടങ്ങിയവ കഴിഞ്ഞ ദിവസം പിടിച്ചെടുത്തിരുന്നു. സ്​ത്രീകളെ ​െ​െലംഗികമായി പീഡിപ്പിക്കാൻ ഉപയോഗിച്ചതെന്ന്​ കരുതുന്ന ഒരു നിലവറയ​ും പൊലീസ്​ സീൽ ചെയ്​തു. കമ്പ്യൂട്ടറുകളും ചില മരുന്നുകളും എ.കെ 47 തോക്കി​​​​െൻറ തിരകൾ സൂക്ഷിച്ചിരുന്ന പാക്കറ്റും മറ്റും ​കണ്ടെത്തിയിട്ടുണ്ട്​. പരിശോധന നടപടികൾ പൂർണമായും വിഡിയോയിൽ പകർത്തി. റിട്ട. ജില്ല സെഷൻസ്​ ജഡ്​ജി എ.കെ.എസ്​. പവാറാണ്​ ഹൈ​േകാടതി ഉത്തരവ്​ പ്രകാരം പരിശോധനക്ക്​ മേൽനോട്ടം വഹിക്കുന്നത്​. 

അതേസമയം, ഗുർമീത്​ സിങ്ങിനെ ജയിലിൽ അടച്ചതിനെ തുടർന്ന്​ ആഗസ്​റ്റ്​ 25ന്​ പഞ്ച്​കുളയിലുണ്ടായ ആക്രമണ പരമ്പരയുമായി ബന്ധ​പ്പെട്ട കേസിൽ പ്രതികളായ ദേര സച്ചാ സൗദയുടെ രണ്ട്​ അനുയായികളെ അറസ്​റ്റ്​ ചെയ്​തതായി  ചണ്ഡീഗഢ്​​ പൊലീസ്​ അറിയിച്ചു. ചാംകൗർ സിങ്​, ദാൻ സിങ്​ എന്നിവരാണ്​ അറസ്​റ്റിലായത്​. പഞ്ച്​കുളയിലെ ദേര കേന്ദ്രത്തി​​​​െൻറ ചുമതലക്കാരനാണ്​ ചാംകൗർ സിങ്​.