ഗുജറാത്തിൽ കോവിഡ്​ മരണനിരക്ക്​ ദേശീയ ശരാശരിയേക്കാൾ ഇരട്ടി; അഹമ്മദാബാദ്​ ഒരാഴ്​ചത്തേക്ക്​ അടച്ചു

മുംബൈ: കോവിഡ്​ 19 ബാധിതരുടെ എണ്ണം ദിനംപ്രതി കൂടിവരുന്ന സാഹചര്യത്തിൽ അഹമ്മദാബാദ്​ നഗരം ഒരാഴ്​ചത്തേക്ക്​ സമ്പൂർണമായി അടച്ചു. നഗരത്തിൽ ലോക്​ഡൗൺ ശക്തമാക്കുന്നതിനായി പുതുതായി അഞ്ച്​ പാരമിലിട്ടറി സേനയെകൂടി വിന്യസിച്ചു. 

പാൽ, മെഡിക്കൽ ഷോപ്പുകൾ എന്നിവക്ക്​ മാത്രമേ തുറന്നു പ്രവർത്തിക്കാൻ അനുമതിയുള്ളൂ. സാമൂഹിക അകലം ഉറപ്പുവരുത്തുന്നതി​​െൻറ ഭാഗമായാണ്​ നടപടി. അഹമ്മദാബാദിന്​ പുറമെ ഗുജറാത്തിലെ മറ്റൊരു നഗരമായ സൂറത്തും അടച്ചു. 700 ൽ അധികം കേസുകളാണ്​ സൂറത്തിൽ ഇതുവരെ റിപ്പോർട്ട്​ ചെയ്​തത്​. 

ഗുജറാത്തിൽ ഇതുവരെ 6625 ​േപർക്കാണ്​ കോവിഡ്​ സ്​ഥിരീകരിച്ചത്​. ഇതിൽ 4425 കേസുകളും അഹമ്മദാബാദിലാണ്​. ഇതുവരെ 273 പേരാണ്​ സംസ്​ഥാനത്ത്​ മരിച്ചത്​. ദേശീയ മരണനിരക്കി​​െൻറ ഇരട്ടിയാണ്​ ഗുജറാത്തിൽ മരിക്കുന്നവരുടെ എണ്ണം. ​6.1 ശതമാനം പേരാണ്​ ഇവിടെ മരിക്കുന്നത്​. രാജ്യത്തെ മരണനിരക്ക്​ 3.3 ശതമാനമാണ്​. മഹാരാഷ്​ട്രക്ക്​ പുറമെ രാജ്യത്ത്​ ഏറ്റവും കൂടുതൽ പേർക്ക്​ കോവിഡ്​ സ്​ഥിരീകരിച്ചിരിക്കുന്നത്​ ഗുജറാത്തിലാണ്​.