കോവിഡ്​ മൂന്നാം തരംഗം: കൂടുതൽ നിയന്ത്രണങ്ങളുമായി ഗുജറാത്ത്​

അഹമ്മദാബാദ്​: കോവിഡ്​ കേസുകളിൽ വർധനയുണ്ടായ​േതാടെ നിയന്ത്രണങ്ങൾ കൂടുതൽ ശക്​തമാക്കാനൊരുങ്ങി ഗുജറാത്ത്​. ആറ്​ മാസത്തെ ഇടവേളക്ക്​ ശേഷം ​അഹമ്മദാബാദ്​ മുൻസിപ്പൽ കോർപ്പറേഷൻ വീണ്ടും നിയന്ത്രണങ്ങൾ കൂടുതൽ ശക്​തമാക്കാനുള്ള നീക്കങ്ങളാരംഭിച്ചു. പുതുതായൊരു മൈക്രോ കണ്ടെയ്​ൻമെന്‍റ്​ സോൺ കണ്ടെത്തിയതോടെയാണ്​ നിയന്ത്രണം ശക്​തമാക്കിയത്​.

ഇഷാൻപൂരിലെ ഹൗസിങ്​ സൊസൈറ്റിയിലാണ്​ പുതിയ കണ്ടെയ്​ൻമെന്‍റ്​ സോൺ രൂപപ്പെട്ടത്​. 20 ഓളം കുടുംബങ്ങൾ താമസിക്കുന്ന അഞ്ച്​ നില അപ്പാർട്ട്​മെന്‍റ്​ സമുച്ചയത്തിലാണ്​ കോവിഡ്​ പടർന്നത്​. തുടർന്ന്​ ഈ കെട്ടിടം മൈക്രോ കണ്ടെയ്​ൻമെന്‍റ്​ സോണാക്കി പ്രഖ്യാപിക്കുകയായിരുന്നു.

കോവിഡ്​ വ്യാപനം വീണ്ടുമുണ്ടാകുമെന്ന ആശങ്കയെ തുടർന്ന്​ വാക്​സിൻ സ്വീകരിക്കാത്തവർക്ക്​ അഹമ്മദാബാദ്​ മുൻസിപ്പൽ ട്രാൻസ്​പോർട്ട്​ സർവീസി​േന്‍റയും സിറ്റി ട്രാൻസ്​മിറ്റ്​ സിസ്റ്റം സർവീസ്​ ബസുകളിലും പ്രവേശനം അനുവദിക്കില്ലെന്ന്​ കോർപ്പറേഷൻ അറിയിച്ചിട്ടുണ്ട്​. സ്വിമ്മിങ്​ പൂൾ, എ.എം.സി സ്​പോർട്​സ്​ കോംപ്ലക്​സ്​, സിറ്റി സിവിക്​ സെന്‍റർ, ലൈബ്രറി എന്നിവിടങ്ങളിലേക്കുള്ള പ്രവേശനം വാക്​സിൻ സർട്ടിഫിക്കറ്റിന്‍റെ അടിസ്ഥാനത്തിലായിരിക്കുമെന്നും കോർപ്പറേഷൻ വിശദീകരിക്കുന്നു.