ദലിതർ പേരിനൊപ്പം സിൻഹ്​ എന്ന്​ ചേർക്കണം; ഗുജറാത്തിൽ പുതിയ വിപ്ലവം

അഹമ്മദാബാദ്​: ദലിത്​ യുവാക്കൾ പേരിനൊപ്പം ഉന്നത ജാതിപ്പേരായ സിൻഹ്​ എന്ന്​ ചേർക്കണമെന്ന്​ ഗുജറാത്തി​ൽ സമൂഹ മാധ്യമങ്ങൾ വഴി പ്രചാരണം. ദലിതുകളു​െട അഭിമാനം ഉയർത്തുന്നതിനുവേണ്ടിയുള്ള പോരാട്ടമാണി​െതന്നും സമൂഹ മാധ്യമ സന്ദേശങ്ങൾ വ്യക്​തമാക്കുന്നു. 

മെയ്​ 10ന്​ മൗലിക്​ ജാവേദ്​ എന്ന 22കാരൻ ഫേസ്​ബുക്ക്​ പ്രൊഫൈലിൽ സിൻഹ്​ എന്ന ചേർത്തതോടെയാണ്​ പ്രചാരണങ്ങൾക്ക്​ തുടക്കമായത്​. ത​​​​െൻറ ആത്​മാഭിമാനം ഉയർത്തുന്നതിനാണ്​ ഇങ്ങനെ ചെയ്​തതെന്നും മൗലിക്​ പറഞ്ഞു. എന്നാൽ ഇൗ നടപടി രജ്​പുത്​ വിഭാഗങ്ങളുടെ രോഷത്തിനിടവെച്ചു. തുടർന്ന്​ ഇരു സമുദായങ്ങളും തമ്മിൽ സംഘർഷമുണ്ടാവുകയും നാലുപേർക്ക്​ പരിക്കേൽക്കുകയും ചെയ്​​തു. 

ഗുജറാത്തിയിൽ സിംഹം എന്നർഥം വരുന്നതാണ്​ സിൻഹ്​ എന്ന വാക്ക്​. പേരിൽ നിന്ന്​ ഇൗ വാക്ക്​ നീക്കം ചെയ്യണമെന്നായിരുന്നു ഉന്നത ജാതിക്കാർ മൗലിക്​ ജാവേദിനോട്​ ആവശ്യ​െപ്പട്ടത്​. അതോടെ ദലിതുകൾ പേരി​െനാപ്പം സിൻഹ്​ എന്ന്​ ഉപയോഗിക്കാനാവശ്യപ്പെട്ട്​ ജാവേദി​​​​െൻറ സുഹൃത്തുക്കൾ പ്രചാരണം നടത്തുകയായിരുന്നു. ഇതനുസരിച്ച്​ പലരും പേരിനൊപ്പം സിൻഹ്​ എന്ന്​ ചേർത്ത്​ ഫേസ്​ബുക്ക്​ പ്രൊഫൈലിലടക്കം മാറ്റം വരുത്തി. 15 കാരനായ രാഹുൽ ജാവേദ്​ ത​​​​െൻറ പേര്​ രാഹുൽ സിൻഹ്​ ജാവേദ്​ എന്നാക്കിയെന്ന്​ പ്രഖ്യാപിച്ചതോടെയാണ്​ പലരും ഇൗ വഴിയിലേക്ക്​ തിരിഞ്ഞത്​.  

എന്നാൽ ദലിതരുടെ പുതിയ പോരാട്ടം രജ്​പുത്​ വിഭാഗത്തിനിടയിൽ വൻ പ്രതിഷേധത്തിനാണ്​ ഇടവെച്ചത്​. പലൻപുരിൽ 23കാരൻ പേരിനൊപ്പം സിൻഹ്​ ചേർക്കുന്നത്​ ചടങ്ങായി ആഘോഷിച്ചതിൽ ക്ഷുഭിതരായ ഉന്നതകുലജാതർ യുവാവി​​​​െൻറ മീശയും താടിയും വടിപ്പിച്ചു. സംഭവത്തിൽ ഒരാളെ പൊലീസ്​ അറസ്​റ്റ്​ ചെയ്​തു. പേര്​ അവനവ​​​​െൻറ ഇഷ്​ടമാണെന്നും ദലിതനാണെന്നതിനാൽ ആർക്കും അത്​ തടയാൻ അവകാശമില്ലെന്നും ദലിത്​ സന്നദ്ധ പ്രവർത്തകർ പറഞ്ഞു.