വാറണ്ട് റദ്ദാക്കി: ഉപാധികളോടെ ഹർദിക് പട്ടേലിന് ജാമ്യം

വിസ്നഗർ: ബി.ജെ.പി എം.എൽ.എ റിഷികേശ് പട്ടേലിന്‍റെ ഒാഫീസ് തകർത്ത കേസിൽ പട്യദർ നേതാവ് ഹർദിക് പട്ടേലിന് ഉപാധികളോടെ കോടതി ജാമ്യം അനുവദിച്ചു. 5000 രൂപയുടെ കരുതൽ തുകയിലാണ് ജാമ്യം. ഹർദികിനെതിരെ പുറപ്പെടുവിച്ച ജാമ്യമില്ലാ വാറണ്ടും കോടതി റദ്ദാക്കി.
  

കേസിൽ ഹാജരാകാതിരുന്നതിനെ തുടർന്ന് ബുധനാഴ്ച വിസ്നഗർ കോടതി വാറണ്ട് പുറപ്പെടുവിക്കുകയായിരുന്നു. എന്നാൽ  പൊലീസിനു മുൻപിൽ കീഴടങ്ങാൻ താൻ തയാറാണെന്ന് ബുധനാഴ്ച കോടതിയിലെത്തും മുൻപെ ഹർദിക് വ്യക്തമാക്കിയിരുന്നു.  ഹർദിക് അടക്കം ആറുപേരാണ് കേസിലെ പ്രതികൾ. നവംബർ 15ന് കേസ് വീണ്ടും പരിഗണിക്കും.