Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവിജയ്​ രൂപാനിയുടെ...

വിജയ്​ രൂപാനിയുടെ കോവിഡ്​ പരിശോധന ഫലം നെഗറ്റീവ്​

text_fields
bookmark_border
വിജയ്​ രൂപാനിയുടെ കോവിഡ്​ പരിശോധന ഫലം നെഗറ്റീവ്​
cancel

അഹമ്മദാബാദ്​: ഗുജറാത്ത്​ മുഖ്യമന്ത്രി വിജയ്​ രൂപാനിയുടെ കോവിഡ്​ പരിശോധന ഫലം നെഗറ്റീവ്​. മുഖ്യമന്ത്രിക്ക് ​ യാതൊരുവിധ രോഗലക്ഷണങ്ങൾ ഇല്ലെന്നും ഇപ്പോൾ ആരോഗ്യ കാര്യത്തിൽ ആശങ്കപ്പെടാനില്ലെന്നും വിജയ്​ രൂപാനിയെ പര ിശോധിച്ച ഡോ. അതുൽ പ​ട്ടേൽ, ഡോ. ആർ.കെ. പ​ട്ടേൽ എന്നിവർ വ്യക്തമാക്കി.

കോവിഡ്​ പരിശോധന ഫലം നെഗറ്റീവാണെങ്കിലും മുഖ്യമന്ത്രി 14 ദിവസത്തെ നിരീക്ഷണത്തിൽ തുടരും. വസതിയിലേക്ക്​ ആർക്കും പ്രവേശനമുണ്ടാകില്ലെന്നും മുഖ്യമന്ത്രിയുടെ സെക്രട്ടറി അറിയിച്ചു.

കഴിഞ്ഞദിവസം മുഖ്യമന്ത്രി കോൺഗ്രസ്​ എം.എൽ.എമാരുമായി കൂടിക്കാഴ്​ച നടത്തിയിരുന്നു. ഇതിൽ കോവിഡ്​ സ്​ഥിരീകരിച്ച ഇമ്രാൻ ഖെഡാവാല എം.എൽ.എയുമായി അടുത്തിടപഴകുകയും ചെയ്​തിരുന്നു. ഇതേ തുടർന്നാണ്​ വിജയ്​ രൂപാനിയെ പരിശോധനക്ക്​ വിധേയമാക്കിയത്​.

ചൊവ്വാഴ്​ച വൈകിട്ടാണ്​ എം.എൽ.എക്ക്​ കോവിഡ്​ സ്​ഥിരീകരിച്ചത്​. ഫലം വരുന്നതിന്​ ആറുമണിക്കൂർ മുമ്പ്​​ മുഖ്യമന്ത്രി ഉൾപ്പെടെയുള്ളവരുമായി കൂടിക്കാഴ്​ച നടത്തിയിരുന്നു​. ഗുജറാത്തിൽ ഇതുവരെ 650 പേർക്ക്​​ കോവിഡ്​ സ്​ഥിരീകരിച്ചിട്ടുണ്ട്​​. ഇതിൽ 25 പേർ മരിക്കുകയും ചെയ്​തു.

Show Full Article
TAGS:covid 19 corona vijay rupani Gujarat Chief Minister india news malayalam news 
News Summary - Gujarat Chief Minister Vijay Rupani Covid Test Negative -India news
Next Story