ഗുജറാത്തിൽ ബോട്ട് മറിഞ്ഞ് 14 വിദ്യാർഥികളും രണ്ടു അധ്യാപകരും മരിച്ചു

അഹമ്മദാബാദ്: ഗുജറാത്തിലെ വഡോദരയിൽ ബോട്ട് മറിഞ്ഞ് 14 സ്കൂൾ വിദ്യാർഥികളും രണ്ടു അധ്യാപകരുമുൾപ്പെടെ 16 പേർ മരിച്ചു. നിരവധിപേരെ കാണാതായിട്ടുണ്ട്. ഹർനി തടാകത്തിലാണ് അപകടമുണ്ടായത്. വിനോദയാത്രക്ക് പോയ 23 വിദ്യാർഥികളും നാല് അധ്യാപകരുമാണ് ബോട്ടിലുണ്ടായിരുന്നത്.

ന്യൂ സൺറൈസ് എന്ന സ്വകാര്യ സ്കൂളിലെ വിദ്യാർഥികളും അധ്യാപകരുമാണ് അപകടത്തിൽപെട്ടത്. ബോട്ടിൽ കയറിയ വിദ്യാർഥികൾ ലൈഫ് ജാക്കറ്റ് ധരിച്ചിരുന്നില്ലെന്നാണ് വിവരം.

ദേശീയ ദുരന്ത നിവാരണ സേനയും (എൻ.ഡി.ആർ.എഫ്) അഗ്നിശമന സേനാംഗങ്ങളും മറ്റ് ഏജൻസികളും ചേർന്ന് രക്ഷാപ്രവർത്തനം നടത്തിവരികയാണ്.

മ​ര​ണ​പ്പെ​ട്ട​വ​രു​ടെ കു​ടും​ബ​ത്തി​ന് ര​ണ്ടു​ല​ക്ഷം വീ​ത​വും പ​രി​ക്കേ​റ്റ​വ​ർ​ക്ക് 50000 വീ​ത​വും പ്ര​ധാ​ന​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ൽ​നി​ന്ന് ന​ഷ്ട​പ​രി​ഹാ​രം പ്ര​ഖ്യാ​പി​ച്ചി​ട്ടു​ണ്ട്. ഗു​ജ​റാ​ത്ത് മു​ഖ്യ​മ​ന്ത്രി ഭൂ​പേ​ന്ദ്ര പ​ട്ടേ​ൽ മ​രി​ച്ച​വ​രു​ടെ കു​ടും​ബ​ത്തി​ന് നാ​ല് ല​ക്ഷം വീ​ത​വും പ​രി​ക്കേ​റ്റ​വ​ർ​ക്ക് 50000വും ​ന​ഷ്ട​പ​രി​ഹാ​രം പ്ര​ഖ്യാ​പി​ച്ചി​ട്ടു​ണ്ട്.