ജി.എസ്​.ടി വ്യാപാരം എളുപ്പമാക്കിയെന്ന്​ ജെയ്​റ്റ്​ലി

ന്യൂഡൽഹി: ചരക്കു സേവന നികുതി വ്യാപാരികൾക്ക്​ ബിസിനസ്​ എളുപ്പമാക്കിയെന്ന്​ ധനമന്ത്രി അരുൺ ​െജയ്​റ്റ്​ലി. രാജ്യം മുഴുവൻ എല്ലാ വ്യാപാരികളുടെയും  വിപണിയായി. ചരക്കു സേവന നികുതിയും നോട്ടുനിരോധനവും ഹ്രസ്വ^ദീർഘകാലത്തേക്ക്​ സമ്പദ്​ഘടനക്ക്​ ഗുണംചെയ്യുമെന്ന്​ അദ്ദേഹം മാധ്യമപ്രവർത്തകരോട്​ പറഞ്ഞു.

ജൂലൈ മുതൽ സെപ്​റ്റംബർ വരെയുള്ള മൊത്ത ആഭ്യന്തര വളർച്ച (ജി.ഡി.പി) നിരക്ക്​ 6.3 ശതമാനമായത്​ ജി.എസ്​.ടി നടപ്പാക്കിയ കാലയളവിലാണ്​.  തൊട്ടുമുമ്പത്തെ മൂന്നു മാസം ജി.ഡി.പി  5.7 ശതമാനമായിരുന്നു. നികുതിനിരക്ക്​ യുക്​തിസഹമാക്കിയതിനാൽ ഉദ്യോഗസ്​ഥരുമായി വ്യാപാരികൾക്ക്​ കലഹിക്കേണ്ടിവരില്ലെന്നും ജെയ്​റ്റ്​ലി കൂട്ടിച്ചേർത്തു.