ജി.എസ്.ടി അപ്പലറ്റ് ട്രൈബ്യുണൽ: അം​ഗ​ങ്ങ​ളു​ടെ പ്രായപരിധി ഉയർത്തി

ന്യൂ​ഡ​ൽ​ഹി: ച​ര​ക്കു​സേ​വ​ന നി​കു​തി (ജി.​എ​സ്.​ടി) സം​ബ​ന്ധി​ച്ച ത​ർ​ക്ക​ങ്ങ​ൾ പ​രി​ഹ​രി​ക്കാ​നു​ള്ള ജി.​എ​സ്.​ടി അ​പ്പ​ല​റ്റ് ട്രൈ​ബ്യു​ണ​ൽ പ്ര​സി​ഡ​ന്റി​ന്റെ​യും അം​ഗ​ങ്ങ​ളു​ടെ​യും പ്രാ​യ​പ​രി​ധി ഉ​യ​ർ​ത്താ​നു​ള്ള ബി​ൽ ലോ​ക്സ​ഭ പാ​സാ​ക്കി. പ്ര​സി​ഡ​ന്റി​ന്റേ​ത് 67ൽ​നി​ന്ന് 70 ആ​യും അം​ഗ​ങ്ങ​ളു​ടേ​ത് 65ൽ​നി​ന്ന് 67 ആ​യു​മാ​ണ് ഉ​യ​ർ​ത്തി​യ​ത്. പ​രോ​ക്ഷ​നി​കു​തി​യു​മാ​യി ബ​ന്ധ​പ്പെ​ട്ട നി​യ​മ വ്യ​വ​ഹാ​ര​ങ്ങ​ളി​ൽ 10 വ​ർ​ഷ​ത്തെ പ​രി​ച​യ​മു​ള്ള അ​ഭി​ഭാ​ഷ​ക​ന് ജി.​എ​സ്.​ടി അ​പ്പ​ല​റ്റ് ട്രൈ​ബ്യു​ണ​ലി​ൽ ജു​ഡീ​ഷ്യ​ൽ അം​ഗ​മാ​കാം. നാ​ലു​വ​ർ​ഷ​മോ പ്രാ​യ​പ​രി​ധി എ​ത്തു​ന്ന​തു​വ​രെ​യോ ആ​യി​രി​ക്കും ഇ​വ​രു​​ടെ കാ​ലാ​വ​ധി. ബെ​ഞ്ച് പ്ര​വ​ർ​ത്ത​നം തു​ട​ങ്ങി​യാ​ൽ വി​വി​ധ ഹൈ​കോ​ട​തി​ക​ളി​ലും സു​പ്രീം​കോ​ട​തി​ക​ളി​ലു​മു​ള്ള ജി.​എ​സ്.​ടി കേ​സു​ക​ൾ പി​ൻ​വ​ലി​ച്ച് ട്രൈ​ബ്യു​ണ​ലി​​നെ സ​മീ​പി​ക്കാ​മെ​ന്ന് ബി​ൽ അ​വ​ത​രി​പ്പി​ച്ച ധ​ന​കാ​ര്യ​മ​ന്ത്രി നി​ർ​മ​ല സീ​താ​രാ​മ​ൻ പ​റ​ഞ്ഞു.

ഡ​ൽ​ഹി​യി​ലെ അ​ന​ധി​കൃ​ത കെ​ട്ടി​ട​ങ്ങ​ൾ​ക്ക് 2026വ​രെ നി​യ​മ​പ​രി​ര​ക്ഷ ന​ൽ​കാ​നു​ള്ള ബി​ൽ ലോ​ക്സ​ഭ പാ​സാ​ക്കി. കെ​ട്ടി​ട​ങ്ങ​ൾ പൊ​ളി​ക്കാ​ൻ ഡ​ൽ​ഹി സ​ർ​ക്കാ​ർ ന​ൽ​കി​യ സ​മ​യ​പ​രി​ധി ഡി​സം​ബ​ർ 31ന് ​അ​വ​സാ​നി​ക്കാ​നി​രി​ക്കെ​യാ​ണ് മൂ​ന്നു​വ​ർ​ഷം കൂ​ടി ഇ​ള​വു​ന​ൽ​കു​ന്ന ബി​ൽ ലോ​ക്സ​ഭ​യി​ൽ ശ​ബ്ദ​വോ​ട്ടോ​ടെ പാ​സാ​ക്കി​യ​ത്.ബ​ജ​റ്റി​ൽ പ്ര​ഖ്യാ​പി​ച്ച ക​സ്റ്റം​സ്, എ​ക്സൈ​സ് നി​കു​തി​ക​ളി​ലെ മാ​റ്റ​ങ്ങ​ൾ ഉ​ട​ൻ പ്രാ​ബ​ല്യ​ത്തി​ൽ വ​രു​ത്തു​ന്ന ബി​ല്ലും പാ​സാ​ക്കി. 1931ലെ ​​പ്രൊ​വി​ഷ​ന​ൽ ക​ല​ക്ഷ​ൻ ഓ​ഫ് ടാ​ക്സ​സ് ആ​ക്ടി​ന് പ​ക​ര​മാ​ണി​ത്.