മീ ടൂ: ദസറ ആഘോഷത്തിനിടെ ലൈംഗികാതിക്രമമെന്ന്​ സ്​ത്രീകൾ

മൈസൂർ: ദസറ ആഘോഷത്തിനിടെ ലൈംഗിക അതിക്രമമുണ്ടായതായി ആരോപിച്ച്​ സ്​ത്രീകൾ രംഗത്ത്​. ഫേസ്​ബുക്ക്​, ട്വിറ്റർ, ഇൻസ്​റ്റഗ്രാം തുടങ്ങിയ സമൂഹ മാധ്യമങ്ങളിലൂടെയാണ്​ നിരവധി പേർ ദുരനുഭവങ്ങൾ പങ്കു വെച്ചത്​.

ദസറയുടെ ഭാഗമായി തിങ്കളാഴ്​ച കൃഷ്​ണരാജ ബൗലെവാഡ്​ തെരുവിൽ നടന്ന ആഘോഷ പരിപാടിക്കിടെ പുരുഷൻമാർ ദേഹത്ത്​ സ്​പർശിക്കുകയും അശ്ലീല കമൻറുകൾ പറയുകയും ചെയ്​തതായി സ്​ത്രീകൾ വെളി​െപ്പടുത്തി.

ചില ആൺകുട്ടികൾ മദ്യപിച്ച്​ അടുത്തെത്തി മനഃപൂർവം ദേഹത്തേക്കു വീണതായും ചിലർ തങ്ങൾക്കു നേരെ അശ്ലീല പദപ്രയോഗങ്ങൾ നടത്തിയതായും സ്ത്രീകൾ ആരോപിക്കുന്നു​.

അതിക്രമം നടത്തിയവർക്കു നേരെ ശബ്​ദമുയർ​ത്തിയെങ്കിലും മൈസൂർ നഗരത്തിലെ ആൺകുട്ടികൾ ആരും തങ്ങളുടെ രക്ഷക്കെത്തിയ​ില്ലെന്നും അവർ പറയുന്നു.