വിവാഹചടങ്ങ് തീരുംമുമ്പ് വധുവിന്റെ മുറിയിൽ കയറിയ വരനെ അച്ഛൻ തല്ലി, വരൻ തിരിച്ചുംതല്ലി; വിവാഹം വേണ്ടെന്ന് വധു

വിവാഹ കർമങ്ങൾ പൂർത്തിയാകും മുമ്പ് വധുവിന്റെ മുറിയിൽ കയറിയതിന് വരനെ വരന്റെ പിതാവ് അടിച്ചു. തുടർന്ന് പിതാവിനെ വരനും മർദിച്ചു. ഉത്തർപ്രദേശിലാണ് സംഭവം. സ്വന്തം പിതാവിനെപോലും മർദിച്ച വരനുമായി വിവാഹം വേണ്ടെന്ന് വധു. ചിത്രകൂടത്തിലുള്ള വധുവിന്റെ വീട്ടിൽ വിവാഹ കർമങ്ങൾ പുരോഗമിക്കവെ പലതവണ വരൻ വധുവിന്റെ മുറിയിൽ പ്രവേശിച്ചു.

ഇത് വരന്റെ പിതാവ് തന്നെ വിലക്കിയെങ്കിലും വരൻ കൂട്ടാക്കാൻ തയ്യാറായില്ല. ഒടുവിൽ സഹികെട്ട് പിതാവ് വിവാഹത്തിൽ പ​ങ്കെടുക്കാ​നെത്തിയ അതിഥികളുടെ മുന്നിൽവെച്ച് മകനെ തല്ലി. മകൻ തിരിച്ചും തല്ലി. ഇതോടെ പെൺകുട്ടി വിവാഹത്തിൽനിന്നും പിൻമാറുകയായിരുന്നു.