മറാത്തി ഭാഷക്ക്​ ശ്രേഷ്​ഠ പദവി വേണം; ഉദ്ധവ്​ താക്കറെ മോദിക്ക്​ കത്തയച്ചു

മുംബൈ: മറാത്തി ഭാഷക്ക്​ ശ്രേഷ്​ഠപദവി ലഭ്യമാക്കണമെന്നാവശ്യപ്പെട്ട്​ മഹാരാഷ്​ട്ര മുഖ്യമന്ത്രി ഉദ്ധവ്​ താക്കറെ പ്രധാനമന്ത്രി നരേന്ദ്ര മോദിക്ക്​ കത്തയച്ചു. മറാത്തിക്ക് ശ്രേഷ്​ഠ ഭാഷാപദവി​ ലഭിക്കുന്നതിനായി ബന്ധപ്പെട്ട അധികാരികൾക്ക്​ നിർദേശം നൽകണമെന്ന്​​ കത്തിൽ അഭ്യർഥിച്ചു.

മഹാരാഷ്​ട്ര സർക്കാർ നിയമിച്ച ഒരു വിദഗ്​ധ സമിതിയുടെ റി​േപാർട്ടി​​െൻറ അടിസ്ഥാനത്തിൽ 2013 നവംബർ 16ന്​ കേന്ദ്ര സർക്കാറിന്​ ഇതു സംബന്ധിച്ച്​ ഒരു നിർദേശം സമർപ്പിച്ചിരുന്നുവെന്നും ഉദ്ധവ്​ താക്കറെ കത്തിൽ പറയുന്നു.

ശ്രേഷ്​ഠ ഭാഷ പദവി നേടുന്നതിനാവശ്യമായ​ മാനദണ്ഡങ്ങൾ മറാത്തി ഭാഷ പൂർത്തീകരിക്കുന്നുണ്ടെന്നും ഇൗ വിഷയം സാംസ്​കാരിക മന്ത്രാലയത്തി​​െൻറ പരിഗണനയിലാണെന്നും അദ്ദേഹം കൂട്ടി​േചർത്തു.