ചില സംസ്ഥാനങ്ങളിൽ കോവിഡ്​ രോഗികളുടെ എണ്ണം കുറയുന്നുവെന്ന്​ കേന്ദ്രസർക്കാർ; പറയാറായിട്ടില്ലെന്ന്​ വിദഗ്​ധർ

ന്യൂഡൽഹി: രാജ്യത്തി​െൻറ ചില ഭാഗങ്ങളിൽ കോവിഡ്​ രോഗികളുടെ എണ്ണം കുറയുന്നുണ്ടെന്ന്​ കേന്ദ്രസർക്കാർ. കോവിഡ്​ രോഗബാധ കുറയുന്നതി​െൻറ ലക്ഷണങ്ങൾ രാജ്യത്തെ പ്രകടമാണെന്നാണ്​ കേന്ദ്രസർക്കാർ വ്യക്​തമാക്കുന്നത്​. എന്നാൽ, ഇപ്പോൾ അത്തരമൊരു നിഗമനത്തിലേക്ക്​ എത്തറായിട്ടില്ലെന്നാണ്​ വിദഗ്​ധരുടെ പക്ഷം.

രോഗികളുടെ എണ്ണവും മരണവും പരിശോധിക്കു​േമ്പാൾ രാജ്യത്ത്​ കോവിഡ്​ രോഗബാധ കുറയുന്നതി​െൻറ ചെറിയ ലക്ഷണങ്ങൾ പ്രകടമാണെന്ന്​ ആരോഗ്യമന്ത്രാലയം ജോയിൻ സെക്രട്ടറി ലാവ്​ അഗർവാൾ പറഞ്ഞു. മെയ്​ ഒന്നിന്​ രാജ്യത്ത്​ നാല്​ ലക്ഷത്തിലധികം പേർക്ക്​ കോവിഡ്​ സ്ഥിരീകരിച്ചിരുന്നു. മെയ്​ രണ്ടിന്​ അത്​ 3.92 ലക്ഷമായി കുറഞ്ഞു. കഴിഞ്ഞ ദിവസം 3.67 ലക്ഷം പേർക്കാണ്​ കോവിഡ്​ സ്ഥിരീകരിച്ചത്​. കോവിഡി​െൻറ പ്രതിദിന വർധനയിൽ കുറവുണ്ടാവുന്നുണ്ടെന്ന്​ അദ്ദേഹം വ്യക്​തമാക്കി. ഇത്​ പ്രാഥമിക സൂചനകൾ മാത്രമാണ്​ ഇതുമായി ബന്ധപ്പെട്ട്​ കൂടുതൽ പഠനം നടത്തണമെന്നും അദ്ദേഹം കൂട്ടിച്ചേർത്തു.

മധ്യപ്രദേശ്​, മഹാരാഷ്​ട്ര, ജാർഖണ്ഡ്​, പഞ്ചാബ്​, തെലങ്കാന, ഉത്തർപ്രദേശ്​, ഉത്തരാഖണ്ഡ്​ സംസ്ഥാനങ്ങളിലാണ്​ കോവിഡ്​ രോഗികളുടെ എണ്ണം കുറയുന്നുവെന്ന വിലയിരുത്തൽ സർക്കാർ നടത്തിയത്​. എന്നാൽ, കേരളമുൾപ്പടെ ചില സംസ്ഥാനങ്ങളിൽ രോഗികളുടെ എണ്ണം ഉയരുന്നുണ്ട്​. അതേസമയം 72 മണിക്കൂറി​െൻറ കണക്കുകൾ നോക്കി രോഗബാധ കുറയുന്നുവെന്ന്​ പറയാനാവില്ലെന്നാണ്​ വിദഗ്​ധരുടെ പക്ഷം. രോഗബാധ കുറഞ്ഞുവെന്ന നിഗമനത്തിലെത്താൻ കുറിച്ച്​ കൂടി കാത്തിരിക്കണമെന്നാണ്​​ വിദഗ്​ധർ പറയുന്നത്​.