മിഷനറീസ് ഓഫ് ചാരിറ്റിയുടെ വിദേശസഹായം സ്വീകരിക്കാനുള്ള അനുമതി പുനഃസ്ഥാപിച്ചു

കൊൽക്കത്ത: മദർ തെരേസ സ്ഥാപിച്ച മിഷനറീസ് ഓഫ് ചാരിറ്റിയുടെ എഫ്.സി.ആർ.എ രജിസ്​ട്രേഷൻ കേന്ദ്ര ആഭ്യന്തര മന്ത്രാലയം പുനഃസ്ഥാപിച്ചു. ഇതോടെ സംഘടനക്ക് വിദേശത്ത് നിന്ന് ധനസഹായം സ്വീകരിക്കാൻ സാധിക്കും. ഹിന്ദുസ്ഥാൻ ടൈംസാണ് ഇതുസംബന്ധിച്ച വാർത്ത റിപ്പോർട്ട് ചെയ്തത്. ക്രിസ്മസി​ന്‍റെ തലേന്നാണ് മിഷനറീസ് ഓഫ് ചാരിറ്റിയുടെ വിദേശസഹായം സ്വീകരിക്കുന്നതിനുള്ള രജിസ്ട്രേഷൻ കേന്ദ്ര ആഭ്യന്തര മന്ത്രാലയം റദ്ദാക്കിയത്. ചട്ടങ്ങൾ പാലിക്കാത്തതിനെ തുടർന്നായിരുന്നു രജിസ്ട്രേഷൻ റദ്ദാക്കിയതെന്നായിരുന്നു കേന്ദ്രസർക്കാർ വിശദീകരണം.

നേരത്തെ ക്രി​സ്​​മ​സ്​ വേ​ള​യി​ൽ കേ​ന്ദ്ര മ​ന്ത്രാ​ല​യം മി​ഷ​ന​റീ​സ്​ ഓ​ഫ്​ ചാ​രി​റ്റി​യു​ടെ ബാ​ങ്ക്​ അ​ക്കൗ​ണ്ടു​ക​ൾ മ​ര​വി​പ്പി​ച്ച​തി​ൽ മ​മ​ത​യ ബാനർജി നടുക്കം പ്രകടിപ്പിച്ചിരുന്നു. രാ​ജ്യ​മൊ​ട്ടു​ക്കു​മു​ള്ള ബാ​ങ്ക്​ അ​ക്കൗ​ണ്ടു​ക​ൾ മ​ര​വി​പ്പി​ച്ച​തി​ലൂ​ടെ മി​ഷ​ന​റീ​സ്​ ഓ​ഫ്​ ചാ​രി​റ്റി​യു​ടെ ജീ​വ​നക്കാ​രും രോ​ഗി​ക​ളു​മ​ട​ക്കം 22,000 മ​നു​ഷ്യ​ർ ഭ​ക്ഷ​ണ​വും മ​രു​ന്നു​മി​ല്ലാ​ത്ത അ​വ​സ്​​ഥ​യി​ലാ​യെ​ന്ന്​ മ​മ​ത കു​റ്റ​പ്പെ​ടു​ത്തിയിരുന്നു.

തുടർന്ന് വി​ദേ​ശ സ​ഹാ​യം സ്വീ​ക​രി​ക്കാ​നു​ള്ള എ​ഫ്.​സി.​ആ​ർ.​എ അ​നു​മ​തി​യും ലൈ​സ​ൻ​സും പു​തു​ക്കാ​തി​രി​ക്കാ​ൻ ഡി​സം​ബ​ർ 25നാ​ണ്​ തീ​രു​മാ​നി​ച്ച​തെ​ന്ന്​ കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യം വാ​ർ​ത്താ​കു​റി​പ്പി​ൽ വ്യ​ക്ത​മാ​ക്കി. ഡി​സം​ബ​ർ 31ന്​ ​നി​ല​വി​ലെ അ​നു​മ​തി​യു​ടെ കാ​ലാ​വ​ധി അ​വ​സാ​നി​ക്കു​ക​യാ​ണ്. മി​ഷ​ന​റീ​സ്​ ഓ​ഫ്​ ചാ​രി​റ്റി​യു​ടെ അ​ക്കൗ​ണ്ടു​ക​ൾ ആ​ഭ്യ​ന്ത​ര മ​​ന്ത്രാ​ല​യം മ​ര​വി​പ്പി​ച്ചി​ട്ടി​ല്ലെ​ന്നും അ​ക്കൗ​ണ്ടു​ക​ൾ മ​ര​വി​പ്പി​ക്കാ​ൻ അ​വ​ർ​ത​ന്നെ​യാ​ണ്​ അ​പേ​ക്ഷ ന​ൽ​കി​യ​തെ​ന്നും വാ​ർ​ത്ത​ക്കു​റി​പ്പി​ൽ കൂ​ട്ടി​​ച്ചേ​ർ​ത്തിരുന്നു.​