സൈന്യത്തിന് 1,66,000 അത്യാധുനിക തോക്കുകൾ വാങ്ങുന്നു

ന്യൂഡൽഹി: സൈന്യത്തി​​​െൻറ ആയുധശേഷി വർധിപ്പിക്കാൻ  1,66,000 അത്യാധുനിക തോക്കുകൾ വാങ്ങുന്നു. 3,547 കോടി രൂപയുടെ തോക്കുകൾ വാങ്ങാനുള്ള പദ്ധതിക്ക്​ പ്രതിരോധ മന്ത്രി നിർമല സീതാരാമ​​​​െൻറ അധ്യക്ഷതയിൽ ചേർന്ന യോഗം അനുമതി നൽകി.

അതിർത്തി മേഖലയിൽ കാവൽ നിൽക്കുന്ന സൈനികർക്ക് അത്യാധുനിക ഉപകരണങ്ങൾ ലഭ്യമാക്കണമെന്ന് കരസേന ദീർഘനാളായി ആവശ്യപ്പെടുകയായിരുന്നു. സായുധ സേനകളുടെ 11 വർഷം പഴക്കമുള്ള ആവശ്യമാണ് അംഗീകരിക്കപ്പെട്ടത്​. പ്രഹരശേഷി കൂടിയ 72,400 അത്യാധുനിക റൈഫിളുകളും (അസോൾട്ട് റൈഫിൾ) 93,895 കാർബൈനുകളുമാണ് (ചെറുഓട്ടോമാറ്റിക് റൈഫിൾ) വാങ്ങുക.