ഗവർണർ നാളെയെത്തും; ഒരു എം.എൽ.എ കൂടി പന്നീർശെൽവത്തി​നൊപ്പം

ചെ​ന്നൈ: തമിഴ്​നാട്​ ഗവർണർ വിദ്യാസാഗർ റാവു നാളെ ചെന്നൈയിലെത്താനിരിക്കെ തമിഴ്​നാട്​ രാഷട്രീയത്തിൽ നിർണായക നീക്കങ്ങൾ. പരമാവധി എം.എൽ.എമാരുടെ പിന്തുണ ഉറപ്പാക്കാനുള്ള ശ്രമത്തിലാണ്​ ശശികലയും പന്നീർശെൽവവും. അതിനിടെ ഒരു എം.എൽ.എ കൂടി പന്നീർശെൽവത്തിന്​ പരസ്യ പിന്തുണ അറിയിച്ച്​ രംഗത്തെത്തി. വാസുദേവനല്ലൂർ എം.എൽ.എ മനോഹരനാണ്​ പന്നീർശെൽവത്തിന്​ പിന്തുണയുമായി എത്തിയത്​. ഇതോടെ പന്നീർശെൽവത്തിന്​ പരസ്യ പിന്തുണ നൽകുന്ന എം.എൽ.എമാരുടെ എണ്ണം നാലായി.

നാളെ ഉച്ചയോടെ ഗവർണർ ചെന്നൈയിലെത്തുമെന്നാണ്​ സൂചന. ഗവർണർ എത്തിയാലുടൻ ശശികലയും പന്നീർശെൽവവും അദ്ദേഹവുമായി കൂടികാഴ്​ച നടത്തുമെന്നാണ്​ റിപ്പോർട്ടുകൾ. നേരത്തെ ഗവർണറുടെ നീക്കങ്ങളാണ്​​ ശശികലയുടെ സത്യപ്രതിജ്ഞ വൈകുന്നതിന്​ ഇടയാക്കിയ​െതന്ന ആരോപണം ആണ്ണാ ഡി.എം.കെ ഉയർത്തിയിരുന്നു. എന്നാൽ പന്നീർശെൽവത്തി​​െൻറ വെളിപ്പെടുത്തലോടെ തമിഴ്​നാട്​ രാഷ്​ട്രീയം മറ്റൊരു തലത്തിലെത്തുകയായിരുന്നു.

ബുധനാഴ്​ച ശശികല എം.എൽ.എമാരുടെ യോഗം വിളിച്ചിരുന്നു. 130 എം.എൽ.എമാർ പ​െങ്കടുത്തു എന്നാണ്​ ശശികല അവകാശപ്പെട്ടത്​. എന്നാൽ അമ്പത്​ എം.എൽ.എമാരുടെ പിന്തുണയുണ്ടെന്നാണ്​ പന്നീർശെൽവത്തി​​െൻറ അവകാശവാദം.