വിദേശ സംഭാവനക്ക്​ ആധാർ നിർബന്ധമാക്കി ബിൽ

ന്യൂ​ഡ​ൽ​ഹി: വി​ദേ​ശ സം​ഭാ​വ​ന സ്വീ​ക​രി​ക്കു​ന്ന സ​ന്ന​ദ്ധ സം​ഘ​ട​ന​യു​ടെ ര​ജി​സ്​​ട്രേ​ഷ​ന്​ പ്ര​ധാ​ന ഭാ​ര​വാ​ഹി​ക​ളു​ടെ ആ​ധാ​ർ ന​മ്പ​ർ നി​ർ​ബ​ന്ധ​മാ​യും ന​ൽ​ക​ണ​മെ​ന്ന്​​ വ്യ​വ​സ്ഥ ചെ​യ്യു​ന്ന ബി​ൽ ലോ​ക്​​സ​ഭ​യി​ൽ. പൊ​തു​സേ​വ​ക​ർ വി​ദേ​ശ​ത്തു​നി​ന്ന്​ സം​ഭാ​വ​ന സ്വീ​ക​രി​ക്കാ​ൻ പാ​ടി​ല്ല. ഫ​ണ്ട്​ ഉ​പ​യോ​ഗം സം​ബ​ന്ധി​ച്ച പ​രാ​തി​ക​ൾ പ​രി​ശോ​ധി​ച്ച്​ സം​ഘ​ട​ന​ക​ൾ​ക്കു​മേ​ൽ ഫ​ണ്ട്​ വി​നി​യോ​ഗ വി​ല​ക്ക്​ ഏ​ർ​പ്പെ​ടു​ത്താ​നും നി​യ​മ​ഭേ​ദ​ഗ​തി സ​ർ​ക്കാ​റി​ന്​ അ​ധി​കാ​രം ന​ൽ​കു​ന്നു. നി​യ​മ ലം​ഘ​നം തെ​ളി​യി​ക്ക​പ്പെ​ട്ടാ​ൽ മാ​ത്രം വി​ല​ക്കും നി​യ​ന്ത്ര​ണ​വും ഏ​ർ​പ്പെ​ടു​ത്താ​നാ​ണ്​ സ​ർ​ക്കാ​റി​ന്​ നി​ല​വി​ൽ അ​ധി​കാ​രം.

വി​ദേ​ശ സം​ഭാ​വ​ന നി​യ​ന്ത്ര​ണ നി​യ​മ​ഭേ​ദ​ഗ​തി ബി​ൽ ആ​ഭ്യ​ന്ത​ര മ​ന്ത്രി നി​ത്യാ​ന​ന്ദ്​ റാ​യി​യാ​ണ്​ ലോ​ക്​​സ​ഭ​യി​ൽ അ​വ​ത​രി​പ്പി​ച്ച​ത്. സ​ന്ന​ദ്ധ സം​ഘ​ട​ന​ക​ൾ​ക്കും അ​സോ​സി​യേ​ഷ​നു​ക​ൾ​ക്കും എ​ഫ്.​സി.​ആ​ർ.​എ സ​ർ​ട്ടി​ഫി​ക്ക​റ്റ്​ സ​റ​ണ്ട​ർ ചെ​യ്യാ​ൻ അ​നു​വാ​ദം ന​ൽ​കാ​മെ​ന്ന വ്യ​വ​സ്ഥ​യും നി​യ​മ​ഭേ​ദ​ഗ​തി​യു​ടെ ഭാ​ഗ​മാ​ണ്. ഈ ​നി​യ​മ​പ്ര​കാ​രം വി​ദേ​ശ സം​ഭാ​വ​ന സ്വീ​ക​രി​ക്കു​ന്ന​തി​ന്​ മ​ത​സ്ഥാ​പ​ന​ങ്ങ​ൾ​ക്ക്​ ന​ൽ​കി​യി​ട്ടു​ള്ള അ​നു​മ​തി തു​ട​രു​മെ​ന്ന്​ മ​ന്ത്രി വ്യ​ക്ത​മാ​ക്കി. ഇ​ക്കാ​ര്യ​ത്തി​ൽ വി​വേ​ച​നം ഉ​ണ്ടാ​വി​ല്ല. എ​ന്നാ​ൽ, സ്ഥാ​പ​ന​ങ്ങ​ൾ അ​വ​രു​െ​ട ല​ക്ഷ്യ​ത്തി​ൽ​നി​ന്ന്​ വ്യ​തി​ച​ലി​ക്ക​രു​ത്. രാ​ജ്യ​ത്തി​െൻറ സു​ര​ക്ഷ​ക്ക്​ ഭീ​ഷ​ണി​യാ​ക​രു​ത്. സ്വീ​ക​രി​ക്കു​ന്ന വി​ദേ​ശ സം​ഭാ​വ​ന​യി​ൽ 20 ശ​ത​മാ​നം മാ​ത്രം ഭ​ര​ണ​പ​ര​മാ​യ ആ​വ​ശ്യ​ങ്ങ​ൾ​​ക്ക്​ ചെ​ല​വി​ടാ​മെ​ന്നും ബി​ല്ലി​ൽ വ്യ​വ​സ്ഥ വെ​ച്ചു. 50 ശ​ത​മാ​ന​മെ​ന്നാ​ണ്​ നി​ല​വി​ലെ വ്യ​വ​സ്ഥ.

വി​ദേ​ശ സം​ഭാ​വ​ന ദു​രു​പ​യോ​ഗി​ക്ക​പ്പെ​ടു​ന്ന​താ​ണ്​ ഭേ​ദ​ഗ​തി​യു​ടെ ഒ​രു കാ​ര​ണ​മാ​യി സ​ർ​ക്കാ​ർ ബി​ല്ലി​ൽ വി​ശ​ദീ​ക​രി​ക്കു​ന്ന​ത്. ക​ഴി​ഞ്ഞ ഏ​താ​നും വ​ർ​ഷ​ങ്ങ​ൾ​ക്കി​ട​യി​ൽ ഇ​ങ്ങ​നെ 19,000ത്തോ​ളം ര​ജി​സ്​​ട്രേ​ഷ​നു​ക​ൾ റ​ദ്ദാ​ക്കേ​ണ്ടി വ​ന്നു. ക​ഴി​ഞ്ഞ 10 വ​ർ​ഷ​ത്തി​നി​ട​യി​ൽ വി​ദേ​ശ സം​ഭാ​വ​ന വ​ര​വ്​ ഇ​ര​ട്ടി​ച്ചി​ട്ടു​ണ്ട്​്. ര​ജി​സ്​​റ്റ​ർ ചെ​യ്​​ത ആ​വ​ശ്യ​ങ്ങ​ൾ​ക്ക​ല്ലാ​തെ ഫ​ണ്ട്​ ചെ​ല​വി​ടു​ന്ന പ്ര​വ​ണ​ത വ​ർ​ധി​ക്കു​ക​യു​മാ​ണ്.

കോ​ൺ​ഗ്ര​സി​ലെ മ​നീ​ഷ്​ തി​വാ​രി ബി​ല്ലി​നെ എ​തി​ർ​ത്തു. വി​ദേ​ശ സം​ഭാ​വ​ന നി​യ​​ന്ത്ര​ണ നി​യ​മ വ്യ​വ​സ്ഥ​ക​ളി​ൽ ഇ​ള​വു​ക​ളാ​ണ്​ യ​ഥാ​ർ​ഥ​ത്തി​ൽ വേ​ണ്ട​തെ​ന്ന്​ അ​ദ്ദേ​ഹം പ​റ​ഞ്ഞു. തൃ​ണ​മൂ​ൽ കോ​ൺ​ഗ്ര​സും എ​തി​ർ​ത്തു. വി​ദേ​ശ സം​ഭാ​വ​ന നി​ർ​ത്ത​ലാ​ക്കാ​നു​ള്ള നീ​ക്ക​മാ​ണ്​ നി​യ​മ​ഭേ​ദ​ഗ​തി​യെ​ന്ന്​ തൃ​ണ​മൂ​ൽ എം.​പി സൗ​ഗ​ത റോ​യ്​ കു​റ്റ​പ്പെ​ടു​ത്തി. അ​നാ​വ​ശ്യ നി​യ​ന്ത്ര​ണ​ങ്ങ​ളാ​ണ്​ ഭേ​ദ​ഗ​തി വ​ഴി സ​ർ​ക്കാ​ർ ല​ക്ഷ്യ​മി​ടു​ന്ന​തെ​ന്ന്​ അ​ദ്ദേ​ഹം പ​റ​ഞ്ഞു.