200 മില്ലി സാനിറ്റൈസറിന്​ 100 രൂപ, 3 ലേയർ മാസ്​കിന്​ 10 രൂപ; കൂടുതൽ ഈടാക്കിയാൽ പണി കിട്ടും

ന്യൂഡൽഹി: ഫേസ്​ മാസ്​ക്കും ഹാൻഡ്​ സാനിറ്റൈസറും അവശ്യവസ്​തുവായി പ്രഖ്യാപിച്ചതിന്​ പിന്നാലെ ഇവ രണ്ടി​​​​െൻറ യും വില സ്ഥിരമാക്കിയതായി കേന്ദ്ര ഉപഭോക്തൃ മന്ത്രി രാം വിലാസ്​ പാസ്വാൻ.

200മില്ലി സാനിറ്റൈസറിന്​ 100 രൂപയും 3 ലേയർ മാസ്​കിന്​ 10 രൂപയും 2 ലെയർ മാസ്​കിന്​ 8 രൂപയും പരമാവധി വിലയായാണ്​ നിശ്ചയിച്ചിരിക്കുന്നത്​. ഇവ ലംഘിക്കുന്നവർക്കെതിരെ ഉപഭോക്തൃ നിയമമനുസരിച്ച്​ കേസെടുക്കുമെന്നും മന്ത്രി അറിയിച്ചു.​

ഫേസ്​മാസ്​കിനും ഹാൻഡ്​ സാനിറ്റൈസറിനും ഉയർന്ന വില ഈടാക്കു​ന്നുവെന്ന പരാതി ഉയർന്ന സാഹചര്യത്തിലാണ്​ കേന്ദ്ര സർക്കാരി​​​​െൻറ പുതിയ നടപടി. ജൂൺ 30 വരെയാണ്​ പുതിയ വിലയുടെ പ്രാബല്യം.