വാക്​സിൻ ബുക്കിങ്ങിന്​ '1075' ൽ വിളിക്കാം; ഗ്രാമീണ ജനതയെ അവഗണിക്കുന്നുവെന്ന പരാതി മറികടക്കാൻ പുതിയ വഴി

കോവിഡ്​ വാക്​സിനേഷനിൽ നിന്ന്​ ഗ്രാമീണ ജനത പുറത്താകുകയാണെന്ന പരാതി മറികടക്കാൻ പുതിയ സംവിധാനം. 1075 എന്ന ഹെൽപ്​ ലൈൻ നമ്പറിൽ വിളിച്ച്​ കോവിഡ്​ വാക്​സിൻ സ്​ലോട്ട്​ ബുക്ക്​ ചെയ്യാനുള്ള പുതിയ സൗകര്യമാണ്​ ഒരുക്കുന്നതെന്ന്​ നാഷനൽ ഹെൽത്​ അതോറിറ്റി തലവൻ ആർ.എസ്​.ശർമ അറിയിച്ചു.

ഇൻറർനെറ്റി​െൻറയും സ്​മാർട്ട്​ ഫോണി​െൻറയുമൊന്നും സഹായമില്ലാതെ കോവിഡ്​ വാക്​സിന്​ ബുക്ക്​ ചൊയ്യാനാകില്ല എന്നത്​ ​ഗ്രാമീണ ജനതയോടുള്ള അവഗണനയാണെന്ന ആക്ഷേപം ശക്​തമാകുന്നതിനിടെയാണ്​ പുതിയ ഹെൽപ്​ ലൈൻ നമ്പർ വരുന്നത്​. കലക്​ടർമാർ മുതൽ പ്രാഥമിക ആരോഗ്യ ​േകന്ദ്രം ജീവനക്കാർ വരെയുള്ളവർ ഹെൽപ്​ ലൈൻ നമ്പർ സംബന്ധിച്ച്​ ഗ്രാമീണ ജനതയെ ബോധവത്​കരിക്കുമെന്ന്​ ശർമ പറഞ്ഞു.

ഹെൽപ്​ ലൈൻ നമ്പറിൽ വിളിച്ച്​ കോവിഡ്​ വാക്​സിന്​ ബുക്ക്​ ചെയ്യാമെന്നത്​ ഗ്രാമീണ ജനതക്ക്​ ഏറെ ഉപകാരമാകുമെന്നും അദ്ദേഹം പറഞ്ഞു. ഇൻറർനെറ്റ്​ സൗകര്യങ്ങളും സ്​മാർട്ട്​ ഫോണുകളും ഇല്ലാത്ത ഗ്രാമീണ ജനത വാക്​സിനേഷനിൽ നിന്ന്​ പൂർണമായും പുറത്താകുകയാണെന്ന ആക്ഷേപം ശക്​തമായിരുന്നു. കോവിൻ വെബ്​സൈറ്റ്​ വഴി മാത്രമേ വാക്​സിന്​ ബുക്ക്​ ചെയ്യാനാകൂ എന്നതിനാൽ​ സാ​​േങ്കതിക ജ്ഞാനമില്ലാത്ത വലിയൊരു വിഭാഗം കോവിഡ്​ വാക്​സിനേഷനിൽ നിന്ന്​ പുറത്തുനിൽക്കുന്ന സാഹചര്യമുണ്ടായിരുന്നു.