അനുമതിയായി; ആകാശ എയർ ഈമാസം

മുംബൈ: വ്യോമയാന ഡയറക്ടറേറ്റ് ജനറലിൽനിന്ന് പ്രവർത്തനാനുമതി സർട്ടിഫിക്കറ്റ് ലഭിച്ചതോടെ ഈ മാസംതന്നെ വാണിജ്യ സർവിസുകൾ തുടങ്ങുമെന്ന് ആകാശ എയർ. പ്രമുഖ ഓഹരി വിപണി നിക്ഷേപകൻ രാകേഷ് ജുൻജുൻവാലയുടെ നേതൃത്വത്തിലുള്ള കമ്പനിയാണ് ആകാശ. ആദ്യ ബോയിങ് 737 മാക്സ് വിമാനം ജൂൺ 21ന് കമ്പനി സ്വന്തമാക്കിയിരുന്നു. രണ്ടു വിമാനങ്ങളുമായാണ് സർവിസിന് തുടക്കമിടുകയെന്നും 2022-23 സാമ്പത്തിക വർഷം അവസാനിക്കുമ്പോഴേക്കും 18 വിമാനങ്ങളുണ്ടാകുമെന്നും അധികൃതർ അറിയിച്ചു.