ഗൊരഖ്​പൂരിലേത്​ കൂട്ടക്കൊല; മോദി സർക്കാറിനെ രൂക്ഷമായി വിമർശിച്ച്​ ശിവ്​സേന

മുംബൈ: ഉത്തർപ്രദേശിലെ ഗോരഖ്​പൂരിൽ എഴുപതോളം കുട്ടികൾ മരിക്കാനിടയായ സംഭവത്തിൽ സർക്കാറിനെ രൂക്ഷമായി വിമർശിച്ച്​ ബി.ജെ.പി സഖ്യകക്ഷിയായ ശിവസേന. കൂട്ടക്കൊലയാണ്​ ഗൊരഖ്​പൂരിൽ നടന്നതെന്ന്​ പാർട്ടി മുഖപത്രമായ സാംനയിലെ എഡിറ്റോറിയലിൽ ശിവസേന കുറ്റപ്പെടുത്തുന്നു. ഗൊരഖ്​പൂർ ദുരന്തം രാജ്യത്തി​​െൻറ സ്വാതന്ത്ര്യദിനത്തിന്​ അപമാനമുണ്ടാക്കിയെന്നും ശിവസേന ചൂണ്ടിക്കാട്ടുന്നു.

ബി.ജെ.പിയുടെയും കേന്ദ്രസർക്കാറി​​െൻറയും നയങ്ങളെയും ശിവസേന രൂക്ഷമായ ഭാഷയിൽ വിമർശിക്കുന്നുണ്ട്​. മോദി സർക്കാറിന്​ കീഴിൽ അഛേ ദിൻ പാവപ്പെട്ടവർക്ക്​ കിട്ടുന്നി​ല്ലെന്നും ശിവസേന എഡിറ്റോറിയലിൽ കുറ്റപ്പെടുത്തുന്നു.

എന്തുകൊണ്ടാണ്​ പാവപ്പെട്ടവരുടെ കുട്ടികൾ മാത്രം മരിക്കുന്നത്​. ധനികരുടെ കുട്ടികൾക്ക്​ ദുരന്തമുണ്ടാകത്തതെന്താണെന്നും ശിവേസന ചോദിക്കുന്നു. ഇതാദ്യമായല്ല നരേന്ദ്രമോദി സർക്കാറി​​െൻറ നയങ്ങളെ രൂക്ഷമായ ഭാഷയിൽ വിമർശിച്ച്​ ശിവസേന രംഗ​ത്തെത്തുന്നത്​.