Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightചെന്നൈ...

ചെന്നൈ വിമാനത്താവളത്തിൽ നിന്ന്​ 49 ലക്ഷം രൂപയുടെ സ്വർണം പിടിച്ചു; 416 ​ഗ്രാം കടത്തിയത്​ മലദ്വാരത്തിലൊളിപ്പിച്ച്​

text_fields
bookmark_border
gold seized
cancel

ചെന്നൈ: ​െചന്നൈ വിമാനത്താവളത്തിൽ അനധികൃതമായി കടത്തിയ 1.01 കിലോഗ്രാം സ്വർണം പിടികൂടി. യാത്രക്കാരനിൽ നിന്നും വിമാനത്തിനകത്തു നിന്നുമായാണ്​ ഏകദേശം 48.9 ലക്ഷം രൂപ വില വരുന്ന സ്വർണം​ ചെന്നൈ എയർ കസ്​റ്റംസ്​ വിഭാഗം പിടിച്ചെടുത്തത്​.

ഇതിൽ 416 ഗ്രാം സ്വർണം രാമനാഥപുരം സ്വദേശി അബൂബക്കർ സിദ്ധിഖ്​ എന്നയാളിൽ നിന്ന്​ പിടിച്ചെടുത്തതായി ചെന്നൈ കസ്​റ്റംസ്​ വിഭാഗം അറിയിച്ചു. ഫ്ലൈ ദുബായുടെ എഫ്​.ഇസഡ്​ 8517 നമ്പർ വിമാനത്തിൽ ദുബൈയിൽ നിന്ന്​ എത്തിയതായിരുന്നു അബൂബക്കർ സിദ്ധിഖ്​. ഇയാളെ വിമാനത്താവളത്തിൽ നിന്ന്​ പുറത്തേക്ക്​ കടക്കുന്നിടത്തുവെച്ചാണ്​ പിടികൂടിയത്​.

പേസ്​റ്റ്​ രൂപത്തിൽ മലദ്വാരത്തിൽ ഒളിപ്പിച്ച്​ കടത്തുകയായിരുന്നു. രണ്ട്​ ബണ്ടിലുകളായി ഏകദേശം 19.9 ലക്ഷം രൂപ വില വരുന്ന സ്വർണമാണിത്​. ​െചന്നൈ കസ്​റ്റംസ്​ വാർത്താ കുറിപ്പിൽ അറിയിച്ചു.

ഇൻഡിഗോയുടെ 6ഇ-66 നമ്പർ വിമാനത്തിൽ നടത്തിയ പരിശോധനയിൽ ചതുരാകൃതിയിലുള്ള സ്വർണ കഷണങ്ങൾ സീറ്റുകളിലൊന്നി​െൻറ അടിവശത്ത്​ നിന്ന്​ കണ്ടെടുത്തു. കോട്ടൺ സഞ്ചിയിലാക്കി കറുത്ത ടാപ്പുകൊണ്ട്​ ചുറ്റിക്കെട്ടി പൈപ്പിനുള്ളിലാക്കി ഒളിപ്പിച്ച നിലയിലായിരുന്നു. നൂറ്​ ഗ്രാം തൂക്കം വരുന്ന അവകാശികളില്ലാത്ത ആറ്​ ഗോൾഡ്​ ബാറുകളാണ്​ കണ്ടെടുത്തത്​. ഏകദേശം 29 ലക്ഷം രൂപയാണ്​ വില കണക്കാക്കുന്നത്​. സംഭവത്തിൽ കൂടുതൽ അന്വേഷണം നടക്കുകയാണ്​.

Show Full Article
TAGS:gold seized Chennai airport 
News Summary - Gold worth Rs 48.9 lakh seized at Chennai airport
Next Story