വിവാഹത്തിന്​ ആൾദൈവത്തി​െൻറ വെടിവെപ്പ്​ ആഘോഷം: വര​െൻറ അമ്മായി കൊല്ലപ്പെട്ടു

ചണ്ഡിഗഢ്: വിവാഹചടങ്ങ്​ മംഗളമാക്കാൻ എത്തിയ ആൾദൈവവും സംഘവും വെടിയുതിർത്ത്​ ആഘോഷിച്ചപ്പോൾ നഷ്​ടമായത്​ ഒരു ജീവൻ. ഹരിയാനയിലെ കർണാലിലാണ്​ വിവാഹചടങ്ങിനെ വെടിയേറ്റ്​ വരെൻറ അമ്മായി കൊല്ലപ്പെട്ടത്​. വിവാഹത്തിനെത്തിയ മൂന്നു പേർക്ക്​ ഗുരുതരമായി പരിക്കേറ്റു.  

കര്‍ണാലിലെ സാവിത്രി വിവാഹമണ്ഡപത്തില്‍ ചൊവ്വാഴ്ച ഉച്ചയോടെയായിരുന്നു സംഭവം. വിവാഹത്തിന്​ പ്രത്യേക ക്ഷണം ലഭിച്ചെത്തിയ ആള്‍ ഇന്ത്യ ഹിന്ദു മഹാസഭ വൈസ് പ്രസിഡന്റും ആള്‍ദൈവമെന്ന് അറിയപ്പെടുകയും ചെയ്യുന്ന  സാധ്വി ദേവ താക്കൂറും അവരോടൊപ്പമെത്തിയ ഒരു ഡസന്‍ പേരുമാണ് കൈവശമുണ്ടായിരുന്ന തോക്കു കൊണ്ട് വെടിയുതിര്‍ത്ത് ആഘോഷിച്ചത്.

നൃത്ത മണ്ഡപത്തിലേക്ക്​ ഉന്നം വച്ച്​ നിറയൊഴിക്കുന്നതിനിടെയാണ്​ സമീപത്തുണ്ടായ സ്​ത്രീകൾക്ക്​ വെടിയേറ്റത്​.  വെടിയേറ്റ്​ വരന്റെ അമ്മായി ബോധരഹിതയായി നിലത്ത് വീണതോടെ സന്ന്യാസിനിയും  സംഘവും സംഭവസ്ഥലത്തു നിന്ന്​ രക്ഷപ്പെട്ടു. പരിക്കേറ്റ മൂന്നുപേരും വര​െൻറ അടുത്ത ബന്ധുക്കളാണ്​.

സന്ന്യാസിനിയും സംഘവും ആകാശത്തേക്ക് നിറയൊഴിച്ച് ആഘോഷിക്കുന്നതിനിടെ ഒരാളുടെ തോക്ക് നിശ്ചലമായി. ഇത് പരിശോധിച്ച് ശരിയാക്കുന്നതിനിടെ അബദ്ധത്തില്‍ വെടിയുതിര്‍ക്കപ്പെടുകയായിരുന്നുവെന്ന് മണ്ഡപത്തിന്റെ മാനേജര്‍ പറഞ്ഞു.

ആയുധങ്ങള്‍ കൈവശം വെച്ചതിനും കൊലപാതകത്തിനും ഇവർക്കെതിരെ പൊലീസ്​  കേസെടുത്തിട്ടുണ്ട്.