ഗോവ ​ഡി.ജി.പി ഡൽഹിയിൽ അന്തരിച്ചു

ന്യൂഡൽഹി: ഡൽഹിയിൽ ഔദ്യോഗിക സന്ദർശനത്തിനെത്തിയ ഗോവ ഡി.ജി.പി പ്രണബ്​ നന്ദ അന്തരിച്ചു. ഹൃദയാഘാതത്തെ തുടർന്ന്​ ശനിയാഴ്​ച പുലർച്ചെയായിരുന്നു അന്ത്യം. ഇൻസ്​പെക്​ടർ ജനറൽ ജസ്​പാൽ സിങാണ്​ മരണവിവരം അറിയിച്ചത്​.

1988 ബാച്ചിലെ ഐ.പി.എസ്​ ഉദ്യോഗസ്ഥനാണ്​ പ്രണബ്​ നന്ദ. അരുണാചൽപ്രദേശ്​, മിസോറാം എന്നിവ ഉൾപ്പെടുന്ന കേഡറിൽ നിന്നുള്ള ഉദ്യോഗസ്ഥനാണ്​ അദ്ദേഹം​. ഈ വർഷം മാർച്ചിലാണ്​ ഗോവ ഡി.ജി.പിയായി ചുമതലയേറ്റത്​.

പ്രണബ്​ നന്ദയുടെ ഭാര്യ സുന്ദരിയും ഡി.ജി.പി റാങ്കിലുള്ള ഉദ്യോഗസ്ഥയാണ്​​. പുതുച്ചേരി ഇൻറലിജൻസ്​ ബ്യൂറോയിലാണ്​ അവർ നിലവിൽ ജോലി ചെയ്യുന്നത്​.