Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightഗോവയിൽ കഞ്ചാവ് കൃഷി...

ഗോവയിൽ കഞ്ചാവ് കൃഷി നിയമവിധേയമാക്കാൻ ആലോചന

text_fields
bookmark_border
ഗോവയിൽ കഞ്ചാവ് കൃഷി നിയമവിധേയമാക്കാൻ ആലോചന
cancel

പനാജി(ഗോവ): കഞ്ചാവ് കൃഷി നിയമ വിധേയമാക്കാനുള്ള നീക്കവുമായി ഗോവ​. മരുന്ന് നിര്‍മാണത്തിനാവശ്യമായ കഞ്ചാവ്​ നിയമവിധേയമായി കൃഷി ചെയ്യുന്നതിനെക്കുറിച്ച് ആരോഗ്യവകുപ്പിൽ നിന്ന്​ നിർദേശം ലഭിച്ചതായി ഗോവ നിയമമന്ത്രി നിലേഷ് കാബ്രള്‍ പറഞ്ഞു. നിയമ നിർമാണത്തിനുള്ള നിർദേശം പരിശോധിക്കുകയാണെന്നും അദ്ദേഹം പറഞ്ഞു. അങ്ങനെ നിർദേശം ലഭിച്ചിട്ടുണ്ടെങ്കിലും സർക്കാർ തീരുമാനമൊന്നും കൈകൊണ്ടിട്ടില്ലെന്നാണ്​ മുഖ്യമന്ത്രിയുടെ ഒാഫീസ്​ പ്രതികരിച്ചത്​.

മരുന്ന് നിര്‍മാണത്തിന് കഞ്ചാവ് കൃഷി അനുവദിക്കാനുള്ള നിര്‍ദേശമാണ് തനിക്ക് മുന്നില്‍ വന്നിട്ടുള്ളതെന്നും ഉത്പാദിപ്പിക്കുന്ന കഞ്ചാവ് മരുന്ന്​ നിർമാണ കമ്പനികള്‍ക്ക് നേരിട്ട് എത്തിക്കുകയായിരിക്കും ചെയ്യുകയെന്നും അദ്ദേഹം പറഞ്ഞു. 'മദ്യം ഉണ്ടാക്കുന്നതു പോലെ തന്നെ നിയമന്ത്രണ വിധേയമായായിരിക്കും ഇതും ഉത്പാദിപ്പിക്കുക. 1985ന് മുമ്പൊന്നും ഇതിന് ഒരു വിലക്കും ഉണ്ടായിരുന്നില്ല' -കാബ്രാള്‍ പറഞ്ഞു. ബാര്‍ ലൈസന്‍സ് പോലെതന്നെ ഇന്ത്യയിലെ പല സംസ്ഥാനങ്ങളിലും ഭാങ് എന്നറിയപ്പെടുന്ന കഞ്ചാവ്​ ഉൽപന്നം വില്‍ക്കാനുള്ള ലൈസന്‍സ് നല്‍കുന്നുണ്ടെന്നും അദ്ദേഹം പറഞ്ഞു.

അർബുദത്തിന്‍റെ അവസാനഘട്ടത്തിലടക്കം കഞ്ചാവ്​ മരുന്നായി ഉപയോഗിക്കുന്നത്​ താൻ കണ്ടിട്ടുണ്ടെന്നും മന്ത്രി പറഞ്ഞു. അമേരിക്കയിലും കാനഡയിലും ആസ്​​േട്രലിയയിലും കഞ്ചാവ്​ ഔദ്യോഗികമായി ഉപയോഗിക്കുന്നുണ്ട്​. ഇന്ത്യയിൽ മാത്രം എന്തിനാണ്​ അത്​ തടയുന്നതെന്നും മന്ത്രി നിലേഷ്​ പറഞ്ഞു.

ആരോഗ്യ വകുപ്പിന്‍റെ നിര്‍ദേശം നിയമവകുപ്പ് പരിശോധിക്കുന്നുണ്ടെങ്കിലും സർക്കാറിന്‍റെ നിലപാട്​ സംബന്ധിച്ച്​ വ്യക്​തത വന്നിട്ടില്ല. കഞ്ചാവ്​ നിയമവിധേയമാക്കാനുള്ള നീക്കത്തിനെതിരെ പ്രതിപക്ഷം പ്രതിഷേധം ഉയർത്തിയിട്ടുണ്ട്​. ഗോവയെ തിൻമയുടെ കേന്ദ്രമാക്കാനാണ്​ സർക്കാർ ശ്രമിക്കുന്നതെന്ന്​ പ്രതിപക്ഷമായ ഗോവ ​േഫാർവേഡ്​ പാർട്ടി നേതാവ്​ വിജയ്​ സർദേശായി പറഞ്ഞു.

ഇത്തരം നീക്കങ്ങൾ നല്ല ടൂറിസ്റ്റുക​െള ഗോവയിൽ നിന്ന്​ അകറ്റുമെന്നും ലഹരിയടമകൾ മാത്രം ഗോവയിലെത്തുന്ന അവസ്​ഥയുണ്ടാകുമെന്നും വിജയ്​ പറഞ്ഞു. ഇപ്പോൾ ലഹരിയാണെങ്കിൽ നാളെ വേശ്യാവൃത്തിയായിരിക്കും നിയമവിധേയമാക്കുക എന്നും അദ്ദേഹം പറഞ്ഞു. മരുന്ന്​ നിർമാണത്തിന്​ മാത്രമാണ്​ കഞ്ചാവ്​ ഉപയോഗിക്കുക എന്ന്​ ഉറപ്പുവരുത്താൻ എന്ത്​ മാർഗമാണ്​ ഉള്ളത്​. അങ്ങനെയൊരു സംവിധാനം ഉണ്ടാക്കിയാൽ​ പോലും അഴിമതിയുടെ പുതിയ കേന്ദ്രമായി മാറുകയായിരിക്കും ഫലമെന്നും അദ്ദേഹം ചൂണ്ടികാട്ടി.

നേരത്തെ, ഐക്യരാഷ്​ട്രസഭയുടെ അത്യപകടകരമായ ലഹരികളുടെ പട്ടികയിൽ നിന്ന്​ കഞ്ചാവിനെ ഒഴിവാക്കുന്നതിന്​ അനുകൂലമായി ഇന്ത്യ ​നിലപാടെടുക്കുകയും വോട്ട്​ ചെയ്യുകയും ചെയ്​തിരുന്നു.



Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:cannabisMarijuanagoa
News Summary - Goa govt considering legalising cannabis cultivation
Next Story