ലഖ്​നോ ഏറ്റുമുട്ടൽ: ഒരാൾ അറസ്​റ്റിൽ

ലഖ്​നോ: ലഖ്​നോവിൽ കഴിഞ്ഞ ദിവസം തീവ്രവാദി ​സെയ്​ഫുല്ല കൊല്ലപ്പെട്ട സംഭവവുമായി ബന്ധപ്പെട്ട്​ ഒരാൾ പിടിയിൽ. ദീർഘകാലം എയർഫോഴ്​സിൽ എയർമാനായി സേവനമനുഷ്​ഠിച്ച ജി.എം ഖാനാണ്​ പിടിയിലായത്​. തീവ്രവാദികൾക്ക്​ സഹായം നൽകിയതിനാണ്​ ഇയാളെ അറസ്​റ്റ്​ ചെയ്​തതെന്ന്​ ഉത്തർപ്രദേശ്​ എ.ഡി.ജി.പി അറിയിച്ചു.

ഉത്തര്‍പ്രദേശിലെ താകുര്‍ഗഞ്ചില്‍ വീട്ടില്‍ ഒളിഞ്ഞിരുന്ന ഭീകരനെ 12 മണിക്കൂർ നീണ്ട ഏറ്റുമുട്ടലിനൊടുവിലാണ്​  ഭീകരവിരുദ്ധ സേന വധിച്ചത്​. രണ്ടു പേരുണ്ടെന്ന്​ കരുതിയിരുന്നെങ്കിലും ഒരു മൃതദേഹം മാത്രമേ ലഭിച്ചിട്ടുള്ളൂ. പിസ്​റ്റൾ, റിവോൾവർ, കത്തി തുടങ്ങിയ ആയുധങ്ങളും വീട്ടിനുള്ളിൽ നിന്ന്​ കണ്ടെടുത്തിരുന്നു. താകുര്‍ഗഞ്ചില്‍ ഹാജി കോളനിയിലെ വീട്ടിലാണ് സെയ്​ഫുല്ല ഒളിച്ചിരുന്ന്​ ആക്രമണം നടത്തിയത്​. പിന്നീട്​ സെയ്​ഫുല്ലയുടെ മൃതദേഹം ഏറ്റുവാങ്ങാൻ പിതാവ്​ സർതാജ്​ വിസമ്മതിച്ചിരുന്നു.