ഗൂർഖാലാൻറ്​ പ്രക്ഷോഭം: അനിശ്​ചിതകാല സമരം അവസാനിപ്പിച്ച​​ു

ഡാർജിലിങ്​​: ഗൂർഖാലാൻറിന്​ വേണ്ടി ഗൂർഖാ ജനമുക്​തി മോർച്ച നടത്തുന്ന അനിശ്​ചിതകാല പ്രക്ഷോഭം അവസാനിപ്പിച്ചു. കേന്ദ്ര ആഭ്യന്തര മന്ത്രി രാജ്​നാഥ്​ സിങ്ങി​​​​​​​​െൻറ അപേക്ഷയെ തുടർന്നാണ്​ പ്രക്ഷോഭം അവസാനിപ്പിച്ചത്​. കഴിഞ്ഞ ദിവസം വൈകീട്ടാണ്​ പ്രക്ഷോഭം അവസാനിപ്പിക്കുന്നതായി ഗൂർഖ ജനമുക്​തി മോർച്ച അറിയിച്ചത്​.  

രണ്ടാഴ്​ചക്കുള്ളിൽ യോഗം ചേർന്ന്​ ചർച്ച നടത്തി എല്ലാ പ്രശ്​നങ്ങളും പരിഹരിക്കാമെന്ന്​ ആഭ്യന്തരമന്ത്രി ഉറപ്പു നൽകിയിട്ടുണ്ട്​. അതിനാൽ ബുധനാഴ്​ച  മുതൽ അനിശ്​ചിതകാല പ്രക്ഷോഭം അവസാനിപ്പിക്കുകയാണെന്ന്​ ജനമുക്​തി മോർച്ച നേതാവ്​ ബിമൽ ഗുറാങ്​ അറിയിച്ചു. ജൂൺ 15നാണ്​ വടക്കൻ ബംഗാളിലെ ഡാർജിലിങ്​ ഹിൽസിൽ  പ്രത്യേക ഗുർഖാലാൻറിനു വേണ്ടിയുള്ള പ്രക്ഷോഭം ജനമുക്​തി മോർച്ച തുടങ്ങിയത്​. 100 ദിവസമായി നടക്കുന്ന പ്രക്ഷോഭ​െത്ത തുടർന്ന്​ മേഖലയിലെ മാർക്കറ്റുകൾ, സ്​കൂളുകൾ, വ്യാപാര കേന്ദ്രങ്ങൾ, വിനോദ കേന്ദ്രങ്ങൾ തുടങ്ങിയവയെല്ലാം അടച്ചിട്ടിരിക്കുകയായിരുന്നു. 

ആഭ്യന്തര മന്ത്രാലയത്തിൽ രണ്ടാഴ്​ചക്കുള്ളിൽ ഒൗദ്യോഗിക യോഗം വിളിക്കണമെന്ന്​ ആഭ്യന്തര​ സെക്രട്ടറിയോട്​ ആവശ്യപ്പെട്ടിട്ടുണ്ടെന്ന്​ രാജ്​നാഥ്​ സിങ്​ പറഞ്ഞു. യോഗത്തിൽ ഗൂർഖാലാൻറുമായി ബന്ധപ്പെട്ട എല്ലാ കാര്യങ്ങളും ചർച്ച ചെയ്​ത്​ പരിഹരിക്കും. അതിനു മുന്നോടിയായി മേഖലയിൽ സമാധാനാന്തരീക്ഷം കൊണ്ടു വരുന്നതിനായി അനിശ്​ചിതകാല ബന്ദ്​ പിൻവലിക്കാൻ ജി.ജെ.എം നേതാക്കളോട്​ അഭ്യർഥിച്ചിട്ടുണ്ടെന്നും അ​ദ്ദേഹം അറിയിച്ചു. ഉത്​സവ സമയമായതിനാൽ സംസ്​ഥാനം സാധാരണനില ​ൈകവരിക്കാൻ ബന്ദ്​ പിൻവലിക്കണമെന്നും രാജ്​നാഥ്​ സിങ്​​ ആവശ്യ​െപ്പട്ടിരുന്നു.  

ഹിൽസി​െല വിവിധ പാർട്ടികൾ ത്രിതല ചർച്ച വേണമെന്നും മുഖ്യമന്ത്രി മമത ബാനർജി അതിനു വേണ്ടി ശ്രമം നടത്തണമെന്നും ആവശ്യപ്പെട്ടിരുന്നു. വിഷയത്തിൽ കേന്ദ്രം ഉടൻ ഇട​െപടണമെന്നായിരുന്നു ഗൂർഖാലാൻറ്​ പ്രക്ഷോഭകരു​െട ആവശ്യം. എന്നാൽ ആഭ്യന്തര മന്ത്രാലയം വിളിച്ചു ചേർക്കുന്നത്​ ത്രികക്ഷി ചർച്ചയാണോ എന്ന കാര്യം വ്യക്​തമല്ല. ജനാധിപത്യ സംവിധാനത്തിൽ പ്രശ്​നങ്ങൾ പരിഹരിക്കാൻ ചർച്ചകൾ മാത്രമാണ്​ വഴിയെന്നായിരുന്നു യോഗം വിളിച്ചു ചേർക്കാൻ തീരുമാനിച്ചു​െകാണ്ട്​ രാജ്​നാഥ്​ സിങ്​ വിശദീകരിച്ചത്​. 

ഗൂർഖാലാൻറ്​ പ്രക്ഷോഭകർ മൂന്നു തവണ രാജ്​നാഥ്​ സിങ്ങിനെ ഡൽഹിയി​െലത്തി കണ്ടിരുന്നു. സെപ്​തംബർ 19നാണ്​ ഒടുവിൽ രാജ്​നാഥിനെ കണ്ടത്​. സെപ്​തംബർ 20 ന്​ മമത ബാനർജി ‘ബോർഡ്​ ഒാഫ്​ അഡ്​മിനിസ്​ട്രേറ്റീവ്​ ഒാഫ്​ ഡാർജലിങ്​ ഹിൽസ്​’ എന്നപേരിൽ ഏഴംഗ ഭരണ സമിതി രൂപീകരിച്ചു. ഗൂർഖാലാൻറ്​ ടെറിറ്റോറിയൽ അഡ്​മിനിസ്​ട്രേഷനിലേക്ക്​ തെരഞ്ഞെടുപ്പ്​ നടക്കും വരെ പ്രദേശത്തെ ഭരണ നിർവ്വഹണ ചുമതലയാണ്​ സമിതിക്ക്​ നൽകിയത്​. ജി.​െജ.എം നേതാവ്​ ബിമൽ ഗുറാങ്ങിനെ സമിതിയു​െട ചെയർമാനായും ​മ​െറ്റാരു നേതാവ്​ അനിത്​ ഥാപ്പയെ ​ൈവസ്​ ചെയർമാനായും നിയമിച്ചു. ഇവരെ ഹിൽസിലെ ഭരണത്തെ നിരീക്ഷിക്കാൻ വേണ്ടിയാണ്​ നിയമിച്ചതെന്ന്​ മമത ബാനർജി അറിയിച്ചിരുന്നു.