ഇവാൻകാ താങ്കൾ ഇന്ത്യയിൽ മൽസരിച്ചാൽ ഞാൻ നിങ്ങൾക്ക്​ വോട്ട്​ ചെയ്യും...

​​ൈഹദരാബാദ്​: ശിവാജി സിനിമയിൽ സൂപ്പർസ്​റ്റാർ രജനികാന്ത്​ ഒരു ഗ്രാമത്തിലെ റോഡിലൂടെ നടക്കുന്ന രംഗമുണ്ട്​, രജനി നടക്കുന്നതിനനുസരിച്ച്​ മണ്ണിട്ട പാത ടാറിട്ട റോഡായി മാറുന്നു. കുടിലുകളും മരപ്പാലങ്ങളും കൂറ്റൻ ബിൽഡിങ്ങുകളും വലിയ പാലങ്ങളുമായി രൂപം പ്രാപിക്കുന്നു.

ഇതൊക്കെ സിനിമയിൽ ഗ്രാഫിക്​സിട്ട്​ കാണിക്കാം ജീവിതത്തിൽ നടക്കുമോ? നടന്ന​ു,  അമേരിക്കൻ പ്രസിഡൻറ്​ ​ഡോണൾഡ്​ ട്രംപി​​​െൻറ ഉപദേശകയായ മകൾ ഇവാൻക ട്രംപ്​ ഇന്ത്യയിൽ വന്നപ്പോൾ സംഭവിച്ചത്​ ഇതാണ്. ഹൈദരാബാദുകാരനായ രാജശേഖർ മമിഡണ്ണയെന്ന സ്​റ്റാൻഡ്​ അപ്​ ​കൊമേഡിയ​​​െൻറ ഒരു വീഡി​യോ സോഷ്യൽ മീഡിയയിൽ കൂട്ടച്ചിരി പരത്തുകയാണ്​.

ഇവാൻകയുടെ സന്ദർശനത്തി​​​െൻറ ഭാഗമായി അടിമുടി മുഖം മിനുക്കിയ ഹൈദരാബാദിനെ കുറിച്ച്​ വാചാലനാവുകയാണ്​ രാജശേഖർ.

‘ഇവാൻക​ക്ക്​ നന്ദി, താങ്കൾ മൂലം ഹൈദരാബാദിൽ റാഡിക്കലായ മാറ്റം വന്നിരുക്കുന്നു. പ​ുതിയ റോഡുകൾ വന്നു, ദാ ഫുട്​പാത്തുകൾ വരെ നിർമിച്ചിരിക്കുന്നു. അധികാരികൾ ഇവാൻകക്ക്​ ടി.ആർ.എസ്​ ടിക്കറ്റ്​ നൽകണം ഇവാൻകയെ ​മൽസരിപ്പിക്കുകയാണെങ്കിൽ ഞാൻ അവർക്ക്​ വോട്ട്​ ചെയ്യും’ രാജശേഖർ പറയുന്നു.

മാസങ്ങളായി പരിതാപകരമായ അവസ്​ഥയിലായിരുന്നു​ ഹൈദരാബാദിലെ റോഡുക​ൾ. ഇതിനെതിരെ ജനങ്ങൾ ശക്​തമായി  ​പ്രതിഷേധിച്ചു. തുടർച്ചയായി പെയ്​ത മ​ഴയിൽ അവസ്​ഥ കൂടുതൽ പരിതാപകരമായി. നഗരത്തിലെ ഫ്ലൈഒാവർ വെള്ളപ്പൊക്കത്തിൽ മുങ്ങി പോവുകയും ചെയ്​തു. ഇതിനെ അധികാരികൾ റോഡുകളെ ​ ഫോ​േട്ടാഷോപ്പ്​ ചെയ്യുകയെന്നാണ് അദ്ദേഹത്തിന്‍റെ പരിഹാസം. ഇനിയും റോഡുകൾ ഇതേ രീതിയിലാവണമെങ്കിൽ ഇവിടെ വല്ല ഒളിമ്പിക്​സോ വിംബിൾഡണോ നടക്കണം, പറ്റുമെങ്കിൽ ഒാസ്​കർ അവാർഡ്​ നിശയെങ്കിലും സംഘടിപ്പിക്കണമെന്ന് രാജശേഖർ പറയുന്നു. 

2017 ലെ ഗ്ലോബൽ എൻട്രപ്രണ്വർഷിപ്പ്​ സമ്മിറ്റി​​​െൻറ ഭാഗമായി നഗരത്തിലെത്തിയതാണ്​ ഇവാൻക. ലോകമെമ്പാടുമുള്ള നിരവധി സംരംഭകർ പ​െങ്കടുക്കുന്ന പരിപാടി​ കൊണ്ടാപൂരിലെ എച്ച്​.​െഎ.സി.സി കൺവെൻഷൻ സ​​െൻററിലാണ്​ നടക്കുന്നത്​.