16കാരിയെ ഭീഷണിപ്പെടുത്തി രണ്ടുവർഷം ബലാത്സംഗം ചെയ്​തു; 40കാരൻ അറസ്​റ്റിൽ

ന്യൂഡൽഹി: മധ്യപ്ര​ദേശിൽ 16കാരിയെ ഭീഷണിപ്പെടുത്തി രണ്ടുവർഷമായി ബലാത്സംഗം ചെയ്​ത 40കാരനായ വ്യവസായി അറസ്​റ്റിൽ. സത്​ന ജില്ലയിലാണ്​ സംഭവം. സമീർ എന്നു പരിച​യപ്പെടുത്തിയ വ്യക്തി രണ്ടു വർഷമായി ബലാത്സംഗം ചെയ്​തു വരികയായിരുന്നുവെന്നും പൊലീസിൽ പരാതി നൽകരുതെന്ന്​ ഭീഷണിപ്പെടുത്തിയതായും പെൺകുട്ടി സെപ്​റ്റംബർ 11ന്​ കോൽഗാവൻ പൊലീസിന്​ നൽകിയ പരാതിയിൽ പറയുന്നു.

സമീർ എന്നുവിളിക്കുന്ന അദീക്കിന്​ രണ്ടു പേരിലും പാസ്​പോർട്ടുകൾ ഉണ്ടെന്നും ഇയാളുടെ വീട്ടിലും ജിമ്മിലും സൈബർ കഫേയിലുമായി നടത്തിയ റെയ്​ഡിൽ ഇവ കണ്ടെടുത്തതായും സത്​ന പൊലീസ്​ സൂപ്രണ്ട്​ റിയാസ്​ ഇക്​ബാൽ പറഞ്ഞു.

'നേരത്തേ വിവാഹം കഴിച്ചിരുന്ന പ്രതി 2017ൽ വിവാഹമോചനം നേടി. പിന്നീട്​ ഈ സ്​ത്രീയെ ഭീഷണിപ്പെടുത്തി പണം തട്ടുകയും ചെയ്​തു. ഇത്തരത്തിൽ നിരവധി സ്​ത്രീകളെ ഭീഷണി​പ്പെടുത്തി ഇയാൾ പണം തട്ടിയിട്ടുണ്ട്​. ഇയാൾക്കെതിരെ ആരോപണവും തെളിവുകളുമായി നിരവധി​ സ്​ത്രീകൾ രംഗത്തെത്തിയെങ്കിലും ആരും പരാതിപ്പെടാൻ തയാറായില്ല' -സത്ന​ ജില്ല പൊലീസ്​ തലവൻ പറഞ്ഞു.

വീട്ടിലും ഓഫിസിലുമായി നടത്തിയ റെയ്​ഡിൽ ഇയാളിൽനിന്ന്​ എം.പിയുടെയും എം.എൽ.എയുടെയും ലെറ്റർഹെഡും കണ്ടെടുത്തിരുന്നു. ട്രെയിനിൽ വി.ഐ.പി ക്വോട്ടയിൽ സംവരണം ലഭിക്കുന്നതിനാണ്​ ഈ ലെറ്റർഹെഡുകൾ ഉപോയഗിച്ചിരുന്നതെന്ന്​ റിയാസ്​ ഇക്​ബാൽ അറിയിച്ചു. ഇയാൾക്കെതിരെ അനധികൃത പണമിടപാടിലും അന്വേഷണം നടക്കുന്നുണ്ടെന്ന്​ ​അ​ദ്ദേഹം കൂട്ടിച്ചേർത്തു. പെൺകുട്ടിയുടെ പരാതിയിൽ പ്രത്യേക സംഘമാണ്​ അന്വേഷണം നടത്തുന്നത്​.